ரமழான் அல்லாஹ் எதிர் பார்ப்பது என்ன?
ஏகத்துவத்தை ஏற்று பல்வேறு ஏற்ற இறக்கங்களைக் கண்ட ஓர் சமூகம், இறை வழிபாட்டில் ஒரு புது வித இன்பத்தை சுவைத்துக் கொண்டிருந்த இனிய தருணம், அச்சுறுத்தல், அடி உதை, பெரும் காயம் உயிரிழப்பு ஊர் விலக்கம் என பல்வேறு அபாயகரமான கட்டங்களைத்தாண்டி வெற்றியின் சுகந்தத்தை நுகர ஆரம்பித்திருந்த இனிய பொழுது,
வருகிறது படைத்தோனாம் அல்லாஹ்வின் புறத்திலிருந்து ஓர் இறைக் கட்டளை, ஆம்! நபித்துவத்தின்
15 –ஆம் ஆண்டு, மதீனாவில் அடியெடுத்து வைத்திருந்த 2 –ஆம் வருடத்தின் ஒரு நாள் பொழுதின் உதய நேரத்தில்..
يَا
أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى
الَّذِينَ مِنْ قَبْلِكُمْ لَعَلَّكُمْ تَتَّقُونَ
”இறை நம்பிக்கை
கொண்டவர்களே! உங்கள் மீது ஏனைய சமூக மக்களின் மீது கடமையாக்கப்பட்டது
போன்று நோன்பு கடமையாக்கப்பட்டுள்ளது. நீங்கள் இறையச்சம் உள்ளவர்களாக
மாற்றம் பெரும் பொருட்டு”
அது வரை வல்லோனின்
தூதை செவியேற்று இன்பமடைந்திருந்த அம் மேன்மக்கள் அப்போது தான் வல்லோனின் கட்டளைக்கு
உருவாக்கம் கொடுக்கும் வாய்ப்பு அவர்களுக்கு கிடைத்தது.
புதியதொரு கட்டளை, எத்தனை ஆண்டுகளோ, எத்தனை நாட்களோ இதை செய்ய
ரஹ்மான் கட்டளையிடுகின்றானோ எனும் பதை பதைப்பு அம்மக்களின் இதயங்களில் ஊடுருவும் முன்
அடுத்து அல்லாஹ்வே அதற்கான தெளிவையும் பிறப்பித்தான்.
أَيَّامًا
مَعْدُودَاتٍ فَمَنْ كَانَ مِنْكُمْ مَرِيضًا أَوْ عَلَى سَفَرٍ فَعِدَّةٌ مِنْ
أَيَّامٍ أُخَرَ وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ
فَمَنْ تَطَوَّعَ خَيْرًا فَهُوَ خَيْرٌ لَهُ وَأَنْ تَصُومُوا خَيْرٌ لَكُمْ إِنْ
كُنْتُمْ تَعْلَمُونَ
எண்ணப்படுகின்ற குறிப்பிட்ட
நாட்கள்.
அடுத்து அந்த நாட்களின்
மகோன்னதம் குறித்து அல்லாஹ் சிலாகித்துக் கூறினான்.
شَهْرُ
رَمَضَانَ الَّذِي أُنْزِلَ فِيهِ الْقُرْآنُ هُدًى لِلنَّاسِ وَبَيِّنَاتٍ مِنَ
الْهُدَى وَالْفُرْقَانِ فَمَنْ شَهِدَ مِنْكُمُ الشَّهْرَ فَلْيَصُمْهُ وَمَنْ
كَانَ مَرِيضًا أَوْ عَلَى سَفَرٍ فَعِدَّةٌ مِنْ أَيَّامٍ أُخَرَ يُرِيدُ اللَّهُ
بِكُمُ الْيُسْرَ وَلَا يُرِيدُ بِكُمُ الْعُسْرَ وَلِتُكْمِلُوا الْعِدَّةَ
وَلِتُكَبِّرُوا اللَّهَ عَلَى مَا هَدَاكُمْ وَلَعَلَّكُمْ تَشْكُرُونَ
ரமழான் மாதம், அது எத்தகையதென்றால் மக்களுக்கு நேர்வழியையும், தெளிவையும் பிரித்துக் கூறுகின்ற குர்ஆன் இறக்கியருளப்பட்ட மாதம்.
பிறகென்ன அம்மேன்மக்களின்
வாழ்க்கையில் இறையச்சம் பிரவாக மெடுத்து ஓடியதை இன்ன பிற இறைக் கட்டளைகள் பிறப்பிக்கப்பட்ட
போது பார்க்க முடிந்தது.
அல்லாஹ் அந்த ஒற்றைக்
கட்டளையின் மூலம் எது உருவாகும் என்று சொன்னானோ, அதை
பரிசோதிக்க திடீரென அடுத்த சோதனையாக, அதே ஆண்டில், அதே மாதத்தில், சில தினங்களில் பத்ரின்
வடிவத்தில்.
பத்ருக்கான தயாரிப்பில்
அம்மேன்மக்கள் முன் மொழிந்த வீர வார்த்தைகளை வரலாறு பதிந்து வைத்திருக்கிறது.
அல்லாஹ்வின் கட்டளையை
அம்மக்கள் அணுகிய விதம் அல்லாஹ்வை ஆனந்தப்படுத்தியது. அல்லாஹ்வும் அம்மக்களை வெற்றியை
கையில் வழங்கி ஆனந்தப்படுத்தினான். ஆம்! பத்ரில் மாபெரும்
வெற்றி.
அது மாத்திரமல்ல அடுத்த 6 ஆண்டுகளில் இன்னொருமொரு மாபெரும் வெற்றி “ஃபத்ஹ் மக்கா” அதுவும் ரமலானில் தான் அல்லாஹ் அவர்களை
கௌரவப் படுத்தினான்.
அல்லாஹ்வின் இன்ன பிற
ஏவல், விலக்கல்கள் அதன் பின்னரே அந்த சமூகத்தை வந்தடைந்தது.
நோன்பின் மூலமாக அச்சமூகம்
அடைந்த இறையச்சம் அம்மேன்மக்களை பல்வேறு புகழாரங்களுக்கு சொந்தக்காரர்களாக மாற்றியது.
فَإِنْ
آمَنُوا بِمِثْلِ مَا آمَنْتُمْ بِهِ فَقَدِ اهْتَدَوْا
அல்லாஹ் இப்படிக் கூறினான்: “நீங்கள் ஈமான் கொண்டால் அவர்களைப் போன்று ஈமான் கொள்ளுங்கள்.
அப்பொழுது தான் நீங்கள் நேர்வழியில் நிலைத்திருக்க முடியும்.”
எவ்வளவு உயர்ந்த ஒரு
புகழாரம்!
நாமும் தான் எத்தனையோ
ரமழானைக் கடந்திருக்கின்றோம். அல்லாஹ் ரமழானின் மூலம்
அடியார்களிடம் எதிர்பார்க்கும் அந்த இறையச்சம் நம்மிடம் வந்திருக்கின்றதா?
வரவில்லை என்றால் ஏன்? என்று நாம் எப்போதாவது சிந்தித்துப் பார்த்ததுண்டா?
ஒரு இறைக்கட்டளை நம்மிடம்
மாற்றம் ஏற்படுத்திட வேண்டுமானால் அம்மேன்மக்களிடம் காணப்பட்ட பல குணாதிசயங்களை கொண்டவர்களாக
நாம் உருவாகிட வேண்டும்.
ஆர்வம் வேண்டும்.
ஃகப்பாப் இப்னு அல்
அரத் (ரலி) அவர்கள்.
மக்காவின் சந்தையில் அடிமையாய் இருந்து, பின்னர்
உம்மு அன்மார் எனும் பெண்மணியால் விலைக்கு வாங்கப்பட்டு அடிமை ஊழியம் புரிந்தார்கள்.
இஸ்லாம் அவர்களின்
இதயத்திலும் இடம் பெற்றது. அக்கிரமத்திற்கு ஆளானவர்களின் பட்டியலின் வரலாற்றில்
அவர்களும் இடம் பெற்றார்கள்.
ஆம்! சொல்லெனா துயரத்திற்கும், கடும் சித்ரவதைக்கும்
உள்ளாக்கப் பட்டார்கள்.
وكان رسول الله صلى
الله عليه وسلم يألفه ويأتيه، فأخبرت مولاته بذلك، فكانت تأخذ الحديدة المحماة
فتضعها على رأسه، فشكا ذلك إلى رسول الله صلى الله عليه وسلم فقال: " اللهم
انصر خباباً " ، فاشتكت مولاته أم أنمار رأسها، فكانت تعوي مثل الكلاب، فقيل
لها: اكتوى، فكان خباب يأخذ الحديدة المحماة فيكوي بها رأسها.
وشهد بدراً وأحداً
والمشاهد كلها مع رسول الله صلى الله عليه وسلم.
நீண்ட இரும்புக் கம்பியை
நெருப்பில் போட்டு சூடு காட்டி, பழுக்க காய்ச்சி அவரின்
முன் நெற்றியில் சூடு போடுவாளாம் அவரின் எஜமானி உம்மு அன்மார். எப்போதாவது அல்ல, தினந்தோரும். அதை தினசரி செய்யும் காலைக் கடமையாகவே கொண்டிருந்தாளாம்.
வரலாற்றின் போக்கில்
வசந்தம் வீசியது. ஆம் ஹிஜ்ரத் கடமையாக்கப்பட்டு மதீனா வந்தாகி
விட்டது.
இரண்டே ஆண்டுகளில்
பத்ர், அடுத்த ஆண்டு உஹத் அத்தணை போர்களிலும் முன்
வரிசையில் முதல் நபராய் உருவிய வாளோடு நின்றார்கள்.
(நூல்:
உஸ்துல் ஃகாபா)
கொஞ்சம் நிதானமாகவே
சிந்தித்துப் பார்ப்போம். லைலத்துல் கத்ர் இரவில் நின்று வணங்கி விட்டு
ஸஹர் வைப்பவர்கள் நம்மில் எத்துணை பேர்? சுபுஹ் தொழுகையை ஜமாஅத்தோடு
தொழுபவர் எத்துணை பேர்?
அல்லாஹ்வின் மார்க்கத்தை
ஏற்றுக் கொண்டதற்காக நாம் ஏற்கனவே போதுமான அளவிற்கு சித்ரவதைகளை அனுபவித்து விட்டோம். இனி நாம் ஏன் போரில் கலந்து கொள்ள வேண்டும்? என ஆலோசித்துக் கொண்டிருக்க வில்லை நபித்தோழர் ஃகப்பாப் (ரலி) அவர்கள்.
ஆர்வத்தோடு அல்லாஹ்வின்
கட்டளைக்கு செவி சாய்த்தார்கள். முன் வரிசையில் முதல்
நபராக நின்றார்கள்.
உக்காஷா இப்னு மிஹ்ஸன் (ரலி) அவர்கள் நபிகளாரின் அவையிலே அமர்ந்திருந்தார்கள்.
அண்ணலார் {ஸல்} அவர்கள் மஹ்ஷரின் நிலைமைகளை விவரித்துக்
கொண்டிருந்தார்கள்.
அப்போது நபி {ஸல்} அவர்கள் “எவ்வித
விசாரணையும் இன்றி 70000 நபர்கள் என் உம்மத்தவர்கள் சுவனம் நுழைவார்கள்”
என்று கூறினார்கள்.
சுற்றியிருந்த நபித்தோழர்கள்
அவர்கள் எத்தகைய அமல் செய்தவர்கள்? என வினவ,
நபிகளார் அதற்கான பதிலை விவரித்தார்கள்.
சற்றும் தாமதிக்காமல்
உக்காஷா (ரலி) அவர்கள்
“அல்லாஹ்வின் தூதரே! அந்த எழுபதினாயிரம் நபர்களில்
நானும் ஒருவனாக இருக்க விரும்புகின்றேன்! எனக்காக துஆ செய்யுங்கள்”
என்றார்கள்.
وبشره رسول الله
صلى الله عليه وسلم أنه ممن يدخل الجنة بغير حساب.
அல்லாஹ்வின் தூதர் {ஸல்} அவர்கள் “அல்லாஹ்
உம்மையும் அவர்களில் ஒருவனாக ஆக்கட்டும்!” என்று துஆ செய்தார்கள்.
கன நேர ஆர்வம் சுவன
வாசிகளில் ஒருவராக, விசாரணையின்றி சுவனம் செல்லும் பேறுபெற்றவராக
மாற்றியது.
(நூல்:
இஸ்தீஆப்)
عن ابن إسحاق قال: حدثني عاصم بن عمر بن قتادة أن رسول الله صلى الله
عليه وسلم قال: " إن صاحبكم لتغسله الملائكة " ، يعني حنظلة، فسألوا
أهله: ما شأنه؟ فسئلت صاحبته فقالت: خرج وهو جنب حين سمع الهائعة فقال رسول الله
صلى الله عليه وسلم: " لذلك غسلته الملائكة، وكفى بهذا شرفاً ومنزلةً عند
الله تعالى " .
ஹன்ளலா (ரலி) அவர்கள். உஹத்
நடை பெரும் அன்றைய முதல் நாளில் திருமணம் செய்கின்றார்கள்.
புதுமாப்பிள்ளை, பல ஆயிரம் கனவுகள் சூழ இல் வாழ்க்கையில் இணைகின்றார்கள்.
மறு நாள் விடிகின்றது. உஹதில் முஸ்லிம்கள் தோல்வியுற்று விட்டனர். பெருமானார் {ஸல்} அவர்கள் கொல்லப்பட்டு
விட்டார்கள். எனும் செய்தி காட்டுத்தீயாய் மதினா நகரெங்கும் பரவி
விரவியது.
கடமையான குளிப்பிற்காக
வீட்டின் முற்றத்தில் கையில் தண்ணீர் குவளையுடன் நின்று கொண்டிருந்த ஹன்ளலா (ரலி) அவர்களின் காதிலும் இந்தச் செய்தி விழுகின்றது.
தன் நிலை மறந்தார். உருவிய வாளுடன் போர்க்களம் சென்றார். தம்மால்
இயன்ற வரை போராடினார். இறுதியில் இறைவழியில் அல்லாஹ்வின் சத்திய
தீனுக்காக உயிரையும் நீத்தார்.
அவரின் ஆர்வம் அவரை
ஷஹீத் எனும் அந்தஸ்திற்கு அழைத்துச் சென்றதோடு மாத்திரம் அல்லாமல் “கஸீலுல் மலாயிக்கா” எனும் சிறப்பு அந்தஸ்திற்கும்
அழைத்துச் சென்றது.
(நூல்:
இஸ்தீஆப்)
விழிப்புணர்வு வேண்டும்…
சில போது நமக்கேற்படும்
அசௌகர்யங்கள் மனிதர்கள் எனும் அடிப்படையில் மேன்மக்களான ஸஹாபாக்களுக்கும் ஏற்பட்டது. அதை தவறென உணர்த்திய போது மீண்டும் அது போன்ற செயல்கள் ஏற்படாமல்
இருப்பதில் மிகவும் விழிப்புணர்வுடன் செயல்பட்டார்கள்.
அதை ஈடு செய்யும் எல்லா
விதமான முயற்சிகளிலும் தங்களை ஈடுபடுத்திக் கொண்டார்கள்.
அல்லாமா குஷைரீ (ரஹ்) அவர்கள் அறிவிக்கும் ஒரு செய்தி:
“ஒரு நாள் மக்ரிப் தொழுகையின் நேரம், மஸ்ஜிதுன்
நபவீயில் பாங்கொலி சப்தம் கேட்டு சாரை சாரையாய் மக்கள் பள்ளிக்கு விரைந்து வந்து கொண்டிருந்தார்கள்.
அப்துர் ரஹ்மான் இப்னு
அவ்ஃப் (ரலி) அவர்களும் பள்ளிக்குள்
வருகை தருகின்றார்கள்.
அதே நேரத்தில், ஷாமிற்கு வியாபாரப் பொருட்களோடு சென்ற அவரின் வணிகக் கூட்டத்தினரும்
அங்கே வருகை தருகின்றார்கள்.
அவர்களோடு பேசிவிட்டு, அவர்கள் கொண்டு வந்த லாபத்தைப் பெற்றுக் கொண்டு இருக்கும் போது
இகாமத் சொல்லப்படுகின்றது.
அதற்குள் தக்பீர் தஹ்ரீமா
அப்துர் ரஹ்மான் இப்னு அவ்ஃப் (ரலி) அவர்களுக்கு தப்பி விடுகின்றது.
தொழுகையில் நபி {ஸல்} அவர்கள் வல் அஸ்ர் சூராவை ஓதினார்கள்.
தொழுகை முடிந்து வெளியே வந்த அப்துர் ரஹ்மான் (ரலி) அவர்கள் தம்முடைய லாபம் அனைத்தையும் தர்மம் செய்து
விட்டார்கள்.
தூரத்தில் நின்று கவனித்துக்
கொண்டிருந்த அண்ணலார் அப்துர் ரஹ்மான் (ரலி)
அவர்களை அழைத்து காரணம் வினவிய போது,
நடந்தவற்றைக் கூறி
விட்டு, நீங்கள் தொழுகையில் ”இன்னல்
இன்ஸான லஃபீ ஃகுஸ்ர்” என்று ஓதும் போது சிறு லாபத்திற்காக பெரும்
நன்மையை (தக்பீர் தஹ்ரீமாவின்) நன்மையை
இழந்து விட்டோமே! பெருத்த நஷ்டமல்லவா?” என்று உணர்ந்தேன்.
ஆதலால் தான் அந்த லாபமனைத்தையும்
தர்மம் செய்து விட்டேன் என்று கூறினார்கள்.
இது கேட்ட நபிகளார்
உண்மையில் உம்முடைய தர்மம் சிறந்ததே! என்றாலும்
நீர் இழந்த அந்த தக்பீர் தஹ்ரீமாவின் நன்மையை இதன் மூலம் பெற்றுக் கொள்ள முடியாது”
என்று கூறினார்கள்.
இதன் பின்னர் ஜமாஅத்தோடு, அவ்வல் தக்பீரோடு தொழுவதை அப்துர் ரஹ்மான் (ரலி) அவர்கள் பிரயாணத்திலும் சரி, ஊரில் இருக்கும் போதும் சரி ஒரு போதும் விட்டதில்லை.
இதற்குப் பின் முன்பை
விட அவர்கள் தன தர்மம் செய்வதை அதிகப் படுத்திக்கொண்டார்கள்.
عَنْ جَعْفَرِ بنِ
أترقان، قَالَ:
بَلَغَنِي
أَنَّ عَبْدَ الرَّحْمَنِ بنَ عَوْفٍ أَعْتَقَ ثَلاَثِيْنَ أَلْفَ بَيْتٍ
எந்த அளவுக்கென்றால், கடனின் பெயரால் அடமானத்திற்கு வைக்கப்பட்டிருந்த முஸ்லிம்களின்
முப்பதாயிரம் வீடுகளை தன் சொந்த பணத்தைக் கொண்டு மீட்டுக் கொடுத்தார்கள்.
(நூல்:
அல் உஸுஸில் அக்லாகிய்யா ஃபீ ளவ்யி ஸீரத்துஸ் ஸஹாபா, ஸியர் அஃலா மின் நுபலா)
இறைவன் மீது வலுவான
நம்பிக்கை வேண்டும்.
زِنِّيْرَةُ
الرومية
زنيرة
الرومية. كانت من السابقات إلى الإسلام، أسلمت في أول الإسلام، وعذبها المشركون.
قيل: كانت مولاة بني مخزوم، فكان أبو جهل يعذبها. وقيل: كانت مولاة بني عَبْد
الدار، فلما أسلمت عَمِيت، فقال المشركون: أعمتها اللات والعزى لكفرها بهما!
فقالت: وما يدري اللات والعزى من يعَبْدهما، إنما هذا من السماء، وربي قادر على رد
بصري، فأصبحت من الغد ورد الله بصرها، فقالت قريش: هذا من سحر مُحَمَّد. ولما رأى
أبو بكر رضي الله عنه ما ينالها من العذاب، اشتراها فأعتقها، وهي أحد السبعة الذين
أعتقهم أبو بكر.
ஸின்னீரா (ரலி) அவர்கள், ஆரம்ப
காலத்திலேயே இஸ்லாத்தை ஏற்றுக் கொண்ட பெண்மணிகளில் ஒருவர்.
பனூ மக்ஸூமீ அல்லது
பனூ அப்துத் தார் கோத்திரத்தார்களிடையே அடிமை ஊழியம் செய்து வந்தார்கள்.
இஸ்லாத்தை ஏற்றுக்
கொண்டதற்காக கடும் துன்பத்திற்கு உள்ளாக்கப்பட்டார்கள். விரும்பிய போதெல்லாம் அபூ ஜஹ்ல் கொடுமை செய்து வந்தான்.
இஸ்லாத்தை ஏற்றுக்
கொள்கிற போது அவர்களுக்கு கண் பார்வை இல்லாமல் இருந்தது.
அப்போது மக்கா முஷ்ரிக்குகள்
ஸின்னீரா (ரலி) அவர்களிடம் வந்து,
”நீ லாத் உஸ்ஸாவை நிராகரித்து இஸ்லாத்தை ஏற்றுக் கொண்டதால் தான் லாத்தும்
உஸ்ஸாவும் உம் கண்களை குருடாக்கி விட்டனர்” என்றார்கள்.
அது கேட்ட ஸின்னீரா (ரலி) அவர்கள், “எனக்கு
ஏற்பட்ட இந்த திடீர் பாதிப்பு வானில் உள்ளோனின் நாட்டமாகும். என் பார்வை மீண்டும் திருப்பித் தருவதற்கு என் இறைவன் மிகவும் ஆற்றல் உடையவன்
ஆவான்” என்றார்கள்.
மறுநாளே அவர்களுக்கு
கண் பார்வை கிடைத்து விட்டது. இந்தச் செய்தியை கேள்வி
பட்டு, பார்த்துச் சென்ற மக்கா முஷ்ரிக்குகள் “சத்தியமாக! இது முஹம்மதின் {ஸல்}
சூனியம் தான் என்று கூறினார்கள்.
இறுதியில் அபூ பக்ர் (ரலி) அவர்கள் விலைக்கு வாங்கி உரிமை விட்டார்கள்.
(நூல்: உஸ்துல் காபா)
ஆசை வேண்டும்.
روى عطاء بن أبي
رباح قال: قال لي ابن عباس: ألا أريك امْرَأَة من أهل الجنة؟ قلت: بلى. قال: هذه
المرأة السوداء، أتت رسول الله صلّى الله عليه وسلّم فقالت: إن أُصرَع وإني أنكشف،
فادع الله عَزَّ وجَلّ. قال: " إن شئتِ صبرتِ ولك الجنة، وإن شئت دعوت الله
أن يعافيك " . فقالت: أصبر. قالت: فإني أنكشف، فادع الله أن لا أنكشف. فدعا
لها.
அதாஃ இப்னு அபீ ரபாஹ் (ரஹ்) அவர்கள் கூறுகின்றார்கள்: “ஒரு நாள் நான் இப்னு அப்பாஸ் (ரலி) அவர்களோடு உரையாடிக் கொண்டிருந்தேன். என்னிடம் சுவர்க்கத்துப்
பெண்மணியை உமக்கு நான் அடையாளம் காட்டட்டுமா? எனக் கேட்டார்கள்.
அப்போது நான், பேறு பெற்ற அப் பெண்மணி யார் என்று வினவினேன். அப்போது அங்கே வந்து கொண்டிருந்த ஒரு பெண்மணியை சுட்டிக் காட்டி, இதோ! இந்த கருப்பு நிற பெண் தான் அந்தப் பெண்மணி என்று
கூறி விட்டு, என்னிடம் தொடர்ந்து கூறினார்கள்.
“ஒரு நாள் நாங்கள்
நபிகளாரோடு அமர்ந்திருந்தோம். அப்போது உம்மு ஸுஃபர் (ரலி) அவர்கள் நபிகளாரின் சபைக்கு வருகை தந்தார்கள்.
வந்தவர், “அல்லாஹ்வின் தூதரே! எனக்கு வலிப்பு நோய் இருக்கின்றது.
திடீரென அது வரும்
போது என் ஆடைகள் அகன்று விலகி விடுகின்றது, அதனால் நான்
பல சங்கடங்களுக்கு ஆளாகின்றேன். என்னால் எங்கேயும் செல்ல முடிவதில்லை.
ஆகவே, என் வலிப்பு நோய் நீங்க அல்லாஹ்விடம் பிரார்த்தியுங்கள்!”
என்றார்கள்.
அது கேட்ட அண்ணலார், நீ விரும்பிய வாரே நான் துஆ செய்கின்றேன். என்றாலும் நீ பொறுமையை மேற்கொண்டால் உமக்கு கேள்வி கணக்கின்றி சுவனம் செல்லும்
நஸீப் பாக்கியம் கிடைக்கப் பெறுவாய்! இதில் எதை நீ விரும்புகின்றாய்!
என்று நபிகளார் {ஸல்} அவர்கள்
கேட்டார்கள்.
அதற்கு அப்பெண்மணி
நான் அல்லாஹ்விற்காக பொறுத்துக் கொள்கின்றேன். ஆனாலும் வலிப்பு
வருகிற போது என் ஆடை விலகாமல் இருக்க நீங்கள் அல்லாஹ்விடம் பிரார்த்தனை செய்யுங்கள்”
என்று கூறி சென்று விட்டார்கள்.
அல்லாஹ்வின் தூதர் {ஸல்} அவர்கள் அப்பெண்மணிக்காக துஆ செய்தார்கள்.
(நூல்: இஸ்தீஆப், உஸ்துல் ஃகாபா)
ஆக எந்த ஒரு இறைக் கட்டளையும்
நம்மிடம் மாற்றம் ஏற்படுத்திட வேண்டுமானால் இது போன்ற குணாதிசயங்களை கொண்டவர்களாக நாம்
நம்மை உருவாக்கிக் கொள்ள வேண்டும்.
எனவே, எதிர் வருகிற ரமழானை
முழுமையாக பயன் படுத்தி அல்லாஹ் எதிர் பார்க்கும் மாற்றத்தைப் பெற்றவர்களாக ஆக முயற்சிக்க
வேண்டும்.
ரமழானை வரவேற்பதில் முன்னோர்களின்
ஆர்வம்.
قال معلى ابن الفضل
: كانوا يدعون الله ستة أشهر أن يبلغهم رمضان ، ثم يدعونه ستة أشهر أن يتتقبل منهم
رمضان .
وقال
يحيى ابن كثير كان من دعائهم : اللهم سلمني إلى رمضان ، وسلم لي رمضان ، وتسلمه
مني متقبلاً يا رب الأنام .
முஅல்லா இப்னு அல் ஃபள்ல்
(ரஹ்) அவர்கள் கூறுகின்றார்கள்.
நல்லோர்களான முன்னோர்கள் ஆறு
மாத காலத்திற்கு முன்னரே ரமழானை அடைந்திட அல்லாஹ்விடம் துஆ செய்வார்கள்.
பிந்திய ஆறு மாத காலம் அந்த
ரமழானில் செய்த இபாதத்கள் ஏற்றுக் கொள்ளப்பட வேண்டுமென அல்லாஹ்விடம் துஆ செய்வார்கள்.
யஹ்யா இப்னு கஸீர் (ரஹ்) அவர்கள்
கூறுகின்றார்கள்:
முன்னோர்களான சீதேவிகள் ரமழான்
என்னை சாந்தியோடு சந்திக்கவும், ரமழானை நான் சாந்தியோடு சந்திக்கவும் இறைவா நீ அருள்
புரிவாயாக! மேலும், ரமலானில் நான் செய்கிற வணக்கங்களை பூரணமாக ஏற்றுக் கொள்வாயாக!”
என்று துஆ செய்வார்கள்.
நபி {ஸல்} அவர்கள் நபித்தோழர்களை
ஆர்வமூட்டுதல்.
عند أحمد والنسائي
من حديث أبو هريرة : كان رسول الله صلى الله عليه وسلم يبشر أصحابه بقدوم رمضان
فكان يقول لهم : ( قد جاءكم شهر رمضان ، شهر مبارك ، افترض الله عليكم صيامه ،
يفتح فيه أبواب الجنة ، ويغلق فيه أبواب الجحيم ، وتُغل فيه الشيطان ، فيه ليلة
خير من ألف شهر ، من حُرم خير تلك الليلة فقد حُرم الخير ) عند أحمد والنسائي من
حديث أبي هريرة .
قال ابن رجب هذا
الحديث أصل في تهنئة الناس بعضهم بعضاً بشهر رمضان
..
அல்லாஹ்வின் தூதர் {ஸல்} அவர்கள் ரமழானை முன்னோக்கும்
விதமாக ஒவ்வோர் ஆண்டும் நபித்தோழர்களை நோக்கி மேற்கூறியவாறு ஆர்வமூட்டுவார்கள்.
இப்னு ரஜப் (ரஹ்) அவர்கள்
கூறுகின்றார்கள்: “இந்த ஹதீஸ் ரமழான் வருகையைக் கொண்டு ஒருவருக்கொருவர் வாழ்த்துச்
சொல்வதை அங்கீகரிக்கின்றது.
நோன்பின் சிறப்பு.
عن رجاء بن حيوه عن
أبي أمامة : أنشأ رسول الله صلى الله عليه وسلم جيشاً فأتيته فقلت يا رسول الله
:ادعو الله لي بالشهادة ، فقال : ( اللهم سلمهم وغنمهم ) فغزونا فسلمنا وغنمنا ..
حتى ذكر ذلك ثلاثة مرات ، قال ثم أتيته فقلت : يا رسول الله : إني أتيتك تترى -
يعني ثلاث مرات - أسألك أن تدعو لي بالشهادة فقلت : ( اللهم سلمهم وغنمهم ) فسلمنا
وغنمنا .. يا رسول الله فمرني بعمل أدخل به الجنة .. مرني بعمل أدخل به الجنة،
فقال (عليك بالصوم فإنه لامثل له ) ، قال فكان أبو أمامة لا يُرى في بيته الدخان
نهاراً إلا إذا نزل بهم ضيف ، فإذا رأوا الدخان نهاراً عرف الناس أنهم قد اعتراهم
الضيوف ..
நபி {ஸல்} அவர்கள் ஒரு படைப் பிரிவை ஓரிடத்திற்கு
அனுப்பி வைத்தார்கள். படை புறப்படும் முன் அப்படைப்பிரிவில் இடம் பெற்றிருந்த அபூ உமாமா
(ரலி) அவர்கள் அல்லாஹ்வின் தூதர் {ஸல்} அவர்களிடம் வந்து “அல்லாஹ்வின் தூதரே! எனக்கு
ஷஹாதத் கிடைத்திட துஆ செய்யுங்கள்! என வேண்டி நின்றார்கள்.
அப்போது அண்ணலார் யா அல்லாஹ்
இந்தப் படையில் எவ்வித உயிரிழப்பும் இன்றி மிகுதமான கனீமத்தோடு அனைவரும் திரும்பி வர
நீ அருள் புரிந்திடு! என்று துஆ செய்தார்கள்.
அது போன்றே நடந்தது. இது போன்று
இன்னும் இரண்டு முறை படையை அனுப்பும் போது அபூ உமாமா வேண்டிக்கொண்ட போதும் நபிகளார்
{ஸல்} அவர்கள் முன்பு போலவே துஆ செய்தார்கள்.
பிறகு ஒரு நாள் அபூ உமாமா
(ரலி) அவர்கள் நபி {ஸல்} அவர்களைச் சந்தித்து அல்லாஹ்வின் தூதரே! என்னை சுவனத்தில்
நுழைய வைத்திடும் ஓர் அமலை எனக்கு அறிவித்துத் தாருங்கள்! என்று கேட்டார்கள்.
அப்போது மாநபி {ஸல்} நோன்பு
பிடிப்பதை பற்றிப்பிடித்து வாருங்கள்! அதற்கு நிகரான எந்த ஒரு வணக்கமும் இல்லை” என்று
கூறினார்கள்.
இந்த ஹதீஸை அறிவிக்கும் ராவி
கூறுகின்றார்கள்: “இதற்குப் பின்னர் எந்தக் காலத்திலும் அவர் வீட்டில் பகல் காலங்களில்
அடுப்பெறிய நாங்கள் கண்டதில்லை.
அப்படியே அடுப்பெரிந்தாலும்
அங்கு சென்று பார்த்தால் அங்கே விருந்தாளிகள் வந்திருப்பார்கள்.
நோன்பு வைப்பதில் ஆர்வம்.
عن أبي الدرداء رضي
الله عنه قال : خرجنا مع النبي صلى الله عليه وسلم في بعض أسفارنا في يوم حار حتى
يضع الرجل يده على رأسه من شدة الحرارة وما فينا صائم إلا نبينا صلى الله عليه
وسلم وابن رواحة ..
நாங்கள் கோடை காலத்தில் நடை
பெற்ற போர்க்களங்களங்களுக்கு பயணமாகிற போது எங்களில் நபி {ஸல்} அவர்களும், அப்துல்லாஹ்
இப்னு ரவாஹா (ரலி) அவர்களும் (இருவர் மாத்திரமே) நோன்பிருக்க கண்டோம்” என அபுத் தர்தா
(ரலி) அவர்கள் கூறுகின்றார்கள்.
أما أبو طلحة
الأنصاري الذي قال عنه رسول الله صلى الله عليه وسلم : ( لصوت أبي طلحة في الجيش
خير من ألف رجل ) ..عن أنس رضي الله عنه قال : كان أبو طلحة لا يصوم على عهد النبي
صلى الله عليه وسلم من أجل الغزو .. فلما قُبض النبي صلى الله عليه وسلم لم أره يفطر إلا يوم أضحى أو يوم فطر
.
( أما حكيم الأمة
وسيد والقراء أبا الدرداء فقد قال : لقد كنت تاجراً قبل أن يبعث محمد صلى الله
عليه وسلم ، فلما بُعث زاولت العبادة والتجارة فلم يجتمعا فأخذت بالعبادة وتركت التجارة.. تقول عنه زوجه : لم تكن له
حاجة في الدنيا ، يقوم الليل ويصوم النهار ما يفتر..
لله درهم..
( أما من خبر
الإمام القدوة المتعبد المتهجد عبد الله بن عمر فيكفيه قول النبي صلى الله عليه
وسلم : ( نعمَ العبد عبد الله ) .. قال عنه نافع : كان ابن عمر لا يصوم في السفر
ولا يكاد يفطر في الحضر .
عن ابن عمر رضي
الله عنهما قال: ما مات عمر حتى سرد الصوم .
( أما أمير البررة
وقتيل الفجرة عثمان .. قال أبو نُعيم عنه : حظه من النهار الجود والصيام ، ومن
الليل السجود والقيام ..
عن عبد الرحمن بن
قاسم أن عائشة كانت تصوم الدهر ..
وعن عروة أنَّ
عائشة كانت تسرد الصيام ..
قال القاسم : كانت
تصوم الدهر لا تفطر إلا يوم أضحى أو يوم فطر ..
بعث لها معاوية مرة
بمائة ألف درهم فقسّمتها ولم تترك منها شيئاً ، فقالت بريرة : أنت صائمة فهلا
ابتعت لنا منها بدرهم لحماً ، فقالت : لا تعنفيني ، لو كنت أذكرتني لفعلت ..
إنها الصديقة بنت
الصديق ، العتيقة بنت العتيق ، حبيبة الحبيب ، وأليفة القريب ، المبرأة من العيوب
رضي الله عنها وأرضاها ...
நபித்தோழர்களில் உமர் (ரலி),
உஸ்மான் (ரலி), ஆயிஷா (ரலி), அபூ தல்ஹா (ரலி), இப்னு உமர் (ரலி) அபுத் தர்தா (ரலி
– அன்ஹும்) போன்றோர் பெரும் பாலான நாட்கள் நோன்பிருக்கும் பழக்கம் உள்ளவர்களாக இருந்தார்கள்.
ரமழானில் ஸாலிஹீன்களின் இபாதத்.
كان العلماء من
السلف وهم الذين أناروا للأمة طريقها بسنة رسول الله صَلَّى اللهُ عَلَيْهِ
وَسَلَّمَ وببيان الأحكام، وهم الذين قاموا مقام الأنبياء، وورثوا ميراث النبوة، {
وإن الأنبياء لم يورثوا ديناراً ولا درهماً وإنما ورثوا العلم }.
فهؤلاء العلماء
كانوا إذا جاء شهر رمضان، يتركون العلم، ويتفرغون لقراءة القرآن، حتى قال بعضهم:
[[إنما هما شيئان: القرآن والصدقة ]].
وكان الإمام الزهري
رحمه الله تعالى كذلك.
وكذلك كان الإمام
مالك ، وهو ممن تعلمون منزلته وقيمته واهتمامه بحديث رسول الله صَلَّى اللهُ
عَلَيْهِ وَسَلَّمَ وتعظيمه له، حتى إنه كان لا يحدثهم إلا وهو على وضوء ويبكي
ويتخشع، وكان يقدِّر ويُجل حديث رسول الله صَلَّى اللهُ عَلَيْهِ وَسَلَّمَ؛ ومع
ذلك كان إذا دخل رمضان، لم يشتغل بالحديث بل يترك الحديث ويقبل على القرآن.
وكذلك كان سفيان
الثوري رضي الله عنه، وغيرهم من السلف كثير، ممن كانوا ينظرون إلى أن هذا هو موسم
الخير تترك فيه الأعمال الفاضلة إلى ما هو أفضل منها، فهذا حالهم وهذا شأنهم.
இமாம் மாலிக் (ரஹ்), சுஃப்யான்
அஸ் ஸவ்ரீ (ரஹ்), ஸுஹ்ரீ (ரஹ்) ஸயீத் இப்னு ஜுபைர் (ரஹ்) போன்றோர் ரமழானில் முழுக்க
முழுக்க குர்ஆன் ஓதுவதிலேயே நேரத்தை கழிப்பார்கள்.
இப்ராஹீம் இப்னு ஹாத்தப்
(ரஹ்) அவர்கள் தங்களின் தந்தை வாயிலாக அறிவிக்கின்றார்கள்: என் தந்தை ஒரு நாள் நபிகளாரின்
பள்ளிவாசலுக்கு ஸஹர் நேரத்திலே போனார்களாம். அப்போது பள்ளியின் ஓரத்தில் இருந்து ஒருவர்
அழுது அழுது துஆ கேட்டுக்கொண்டிருந்தார்.
அருகே சென்ற போது அவர் அல்லாஹ்விடம்
இப்படிக் கேட்டுக் கொண்டிருந்தாராம் “யா அல்லாஹ் நீ ஏவியதற்கு நான் கட்டுப்பட்டு உன்னிடம்
மன்னிப்பை கேட்கின்றேன் நீ என்னை மன்னித்து விடு! ஏனெனில் நீ ஸஹர் நேரத்தில் மன்னிப்பு
கேட்க சொல்லி இருக்கின்றாய்! இது ஸஹர் நேரமாகும்!
அது யார் என்று பார்த்த போது,
அங்கே இப்னு மஸ்வூத் (ரலி) அவர்களாக இருந்தார்கள்.
அனஸ் இப்னு மாலிக் (ரலி) அவர்கள்
கூறுகின்றார்கள்: “நாங்கள் ஸஹர் நேரத்தில் தொழுகைக்குப் பிறகு ஸஹரின் கடைசி நேரத்தில்
70 முறை இஸ்திக்ஃபார் கேட்பதற்கு நபிகளாரால் ஏவப்பட்டிருந்தோம்”.
ஆகவே, எதிர்வருகிற ரமழானை
முந்தைய ரமழான் போல் ஆக்கி விடாமல் நம் வாழ்க்கையை அல்லாஹ் எதிர் பார்த்திடும் படியாக
மாற்றிடும் ரமழானாக ஆக்கிட முயற்சி செய்வோம்.
பின் வரும் துஆவை ரமழான் வரும்
வரை தினந்தோரும் அல்லாஹ்விடம் மன்றாடிக் கேட்போம்!
اللهم بلغنا رمضان
.. اللهم بلغنا رمضان ..اللهم بلغنا رمضان ..
وارزقنا صيامه
وقيامه إيماناً واحتساباً يا ذا الجلال والإكرام ..
اللهم وفقنا فيه
لفعل الطاعات..
ووفقنا فيه لترك
المعاصي والمنكرات ..
اجمع فيه شملنا ..
ووحد فيه صفنا ..
وأصلح فيه ولاة
أمورنا ..
وانصر فيه
المجاهدين..
وسدد فيه الدعاة
والعلماء الربانيين ..
وفق فيه الشباب
ووالشيب .. والنساء والإماء..
لتوبة نصوح
واستقامة وثبات حتى الممات يا رب العالمين ..
அல்லாஹ் பூரணமான உடல் நலத்துடன்,
எந்த விதமான கேடுகள் முஸீபத்கள் இல்லாமல் ரமழான் மாதம் முழுவதும் நோன்பு மற்றும் இதர
உபரியான இபாதத்கள் செய்திடும் நல்ல நஸீபை உங்களுக்கும் எனக்கும் தந்தருள் பாளிப்பானாக!
ஆமீன்! ஆமீன்! யாரப்பல் ஆலமீன்!!
வஸ்ஸலாம்!!!
