கேள்வி கேட்டு
தெளிவு பெறுவதுஅவசியம்!!
இங்கு
எல்லோருக்கும் எல்லாமும் தெரிந்து விட்டதாக நம்மில் பலரும் நினைத்துக்
கொண்டிருக்கின்றோம்.
அது உலக விஷயமாக
இருந்தாலும் சரி,
மார்க்க விஷயமாக இருந்தாலும் சரி.
நாம் தெரிந்து
வைத்திருப்பதை விட நமக்கு தெரியாமல் இருக்கும் விஷயங்களே அதிகம்.
இன்று நம்மில்
பலருக்கும் மார்க்க சம்பந்தப்பட்ட பல்வேறு கேள்விகள், சந்தேகங்கள்,
ஐயங்கள் எழுகிறது.
எனினும் நம்மில்
பலர் கேள்விகளுக்கான விடைகளை தெரிந்து கொள்ள ஆர்வப்படுவதில்லை. சந்தேகங்களை
நிவர்த்தி செய்ய முன்வருவதில்லை. ஐயங்களை தெளிவு படுத்த முயற்சி செய்வதில்லை.
மாறாக, சமூக வலைதளங்களில் யார் என்றே தெரியாத ஒருவர் சொல்லும் விளக்கத்தை
கண்மூடித்தனமாக ஏற்றுக் கொண்டு அதைப் பின்பற்ற ஆரம்பித்து விடுகிறோம்.
உண்மையில் அவர்
அந்த கேள்விக்கான பதிலை சந்தேகத்திற்கான, ஐயத்திற்கான தெளிவை
இஸ்லாமிய மார்க்க அடிப்படையில் தான் வழங்கினாரா? என்று ஆராய்வதும் இல்லை.
நமக்கு சாதகமான
பதில் எங்கு கிடைக்கிறதோ அதை ஃபாலோ செய்து மார்க்கப்படி நடந்து கொண்டதாக
அகமகிழ்ந்து கொள்கிறோம்.
இது தவறான
போக்காகும். மேலும்,
இது நம்மை வழி தவறச் செய்து விடும் என்பதில் ஐயமில்லை.
எனவே, மார்க்கம் தொடர்பான,
அகாயித் - மார்க்க அடிப்படை கொள்கைகள் தொடர்பான, ஃபிக்ஹ் மஸாயில் சட்டம் தொடர்பான, சொத்து பங்கீடு
பாகப்பிரிவினை தொடர்பான,
குடும்ப விவகாரங்கள் தொடர்பான சந்தேகங்களை, ஐயங்களை,
கேள்விகளை சம்பந்தப்பட்ட மார்க்க அறிஞர்களிடம் கேட்டு
தெளிவு பெற்றிட முன் வர வேண்டும்.
فَسْـَٔلُوْۤا اَهْلَ الذِّكْرِ اِنْ كُنْتُمْ لَا تَعْلَمُوْنَ
۟
ஆகவே (அவர்களை
நோக்கி) “நீங்கள் அறிந்து கொள்ளாமலிருந்தால். வேத ஞானம் பெற்றோரிடம் கேட்டறிந்து
கொள்ளுங்கள்”
(என்று கூறுவீராக).
என்று அல்லாஹ்
ரப்புல் ஆலமீன் அருள்மறை குர்ஆனின் மூலம் அறிவுறுத்துகின்றான்.
நபி ﷺ அவர்களிடம் ஸஹாபாக்களும் அன்றைய காலத்து மக்களும் கேட்ட
பல கேள்விகளை அல்லாஹ் ரப்புல் ஆலமீன் திருமறைக் குர்ஆனில் பட்டியலிட்டு அதற்குப்
பதில் கூறுகின்றான்.
அல்குர்ஆனைப்
புரட்டிப் பார்த்தால் பலதரப்பட்ட விஷயங்களில் சுமார் 13 இடங்களில் "யஸ்அலூனக" (நபியே! உம்மிடத்தில் அவர்கள்
கேட்கின்றார்கள்) என்பதாக இடம்பெற்றுள்ளது.
பிறைகளைப் பற்றி (முஹம்மதே!) உம்மிடம் கேட்கின்றனர் (2:189)
தாம் எதைச் செலவிட வேண்டும் என்று (நபியே!) உம்மிடம்
கேட்கின்றனர் (2:215)
புனித மாதத்தில் போர் செய்வது குறித்து (நபியே!) உம்மிடம்
கேட்கின்றனர். (2:217)
மது மற்றும் சூதாட்டம் பற்றி (நபியே!) உம்மிடம்
கேட்கின்றனர். (2:219)
அனாதைகளைப் பற்றியும் (நபியே!) உம்மிடம் கேட்கின்றனர். (2:220)
மாதவிடாய் பற்றியும் (நபியே!) உம்மிடம் கேட்கின்றனர் (2:222)
“தமக்கு அனுமதிக்கப்பட்டவை யாவை?” என்று அவர்கள்
(நபியே!) உம்மிடம் கேட்கின்றனர். (5:4)
“அந்த நேரம் எப்போது வரும்?” என்று (முஹம்மதே!)
உம்மிடம் அவர்கள் கேட்கின்றனர். (7:187)
(முஹம்மதே!) அந்த நேரம் பற்றி மக்கள் உம்மிடம் கேட்கின்றனர். (33:63)
போர்க்களத்தில் எதிரிகளிடம் கைப்பற்றப்படும் பொருட்களைப்
பற்றி (முஹம்மதே!) உம்மிடம் அவர்கள் கேட்கின்றனர். (8:1)
(முஹம்மதே!) உயிரைப் பற்றி அவர்கள் உம்மிடம் கேட்கின்றனர். (17:85)
(முஹம்மதே!) துல்கர்னைன் பற்றி அவர்கள் உம்மிடம் கேட்கின்றனர். (18:83)
(முஹம்மதே!) மலைகளைப் பற்றி அவர்கள் உம்மிடம் கேட்கின்றனர். (20:105)
கியாமத் நாள் வரை
தோன்றக் கூடிய மனிதத் தலைமுறைகளிலேயே சிறந்த தலைமுறை நபி ﷺ அவர்களின் தலைமுறையாகும்.
அல்லாஹ்வின் தூதர்
ﷺ அவர்கள், இறைநம்பிக்கை கொண்ட அந்த
சமுதாயத்திற்கு மிகச் சிறந்த வழிமுறைகளைக் கற்றுக் கொடுத்தார்கள். அவர்களும் அதனை
உண்மையாக நம்பி பின்பற்றினார்கள். இதன் காரணமாகத்தான் அந்தத் தலைமுறை மிகச் சிறந்த
தலைமுறையாக ஆனார்கள்.
நபி ﷺ அவர்களுடன் வாழ்ந்த அருமை ஸஹாபாக்கள்
மறுமையில் வெற்றி பெறும் வகையில் இவ்வுலக வாழ்வை அமைத்துக் கொள்ள வேண்டும் என்ற
நன்னோக்கத்தில் எண்ணற்ற கேள்விகளை நபியவர்களிடத்தில் கேட்டுள்ளார்கள். நபி ﷺ அவர்களும் கேள்வி கேட்ட
நபித்தோழர்களின் சூழ்நிலைகளுக்குத் தகுந்தவாறு மிகச் சிறந்த வழிகாட்டுதல்களை
அவர்களுக்கு வழங்கி வழிகாட்டினார்கள்.
بينما
نحن جلوسٌ مع النبيِّ صلَّى اللهُ عليهِ وسلَّم في المسجدِ، دخل رجلٌ على جَمَلٍ،
فأناخه في المسجدِ ثم عَقَلَهُ، ثم قال لهم : أَيُّكم مُحَمَّدٌ ؟ والنبيُّ صلَّى
اللهُ عليهِ وسلَّم مُتَّكِىءٌ بين ظَهْرَانِيهِم، فقلنا : هذا الرجلُ الأبيضُ
المُتَّكِىءُ . فقال له الرجلُ : ابنُ عبدِ المُطَّلِبِ ؟ فقال له النبيُّ صلَّى
اللهُ عليهِ وسلَّم : قد أَجَبْتُكَ . فقال الرجلُ للنبيِّ صلَّى اللهُ عليهِ
وسلَّم : إني سائِلُكَ فمُشَدِّدٌ عليك في المسألةِ، فلا تَجِدْ عَلَيَّ في نفسِكَ
. فقال : سَلْ عما بَدَا لك .
அனஸ் (ரலி)
அவர்கள் அறிவித்தார்கள்:- "நபி ﷺ அவர்களுடன் நாங்கள் (மஸ்ஜிதுந் நபவீ) பள்ளிவாசலில்
அமர்ந்திருந்த போது ஒட்டகத்தில் ஒரு மனிதர் வந்து பள்ளி(யின் வளாகத்தி)ல்
ஒட்டகத்தைப் படுக்க வைத்து அத(ன் முன்னங்காலி)னை மடக்கிக் கட்டினார். பிறகு
மக்களிடம் “உங்களில் முஹம்மது அவர்கள் யார்?” என்று கேட்டார்.
-அப்போது நபி ﷺ
அவர்கள் மக்களிடையே சாய்ந்து அமர்ந்திருந்தார்கள்- “இதோ சாய்ந்து அமர்ந்திருக்கும் இந்த வெள்ளை நிற மனிதர் தாம்” என்று நாங்கள் சொன்னோம். உடனே அம்மனிதர் நபி ﷺ அவர்களை “அப்துல் முத்தலிபின்
(மகனின்) புதல்வரே!”
என்றழைத்தார். அதற்கு நபியவர்கள் “என்ன விஷயம்?”
என்று கேட்டார்கள். அப்போது அம்மனிதர் நபி ﷺ அவர்களிடம் “நான் உங்களிடம் சில
கேள்விகள் கேட்கப் போகிறேன். சில கடினமான கேள்விகளையும் நான் கேட்கப் போகிறேன்.
அதற்கு நீங்கள் என் மீது கோபப்பட்டு விடக் கூடாது” என்றார். அதற்கு நபி ﷺ
அவர்கள் “உம் மனதில் பட்டதைக் கேளும்!” என்றார்கள். ( நீண்ட
ஹதீஸின் ஒரு பகுதி.... நூல்: புகாரி )
கேள்வி கேட்டு
மார்க்கத்தை அறிந்து கொள்வது மிக மிக அவசியம் என்பதை நமக்குப் படம் பிடித்துக்
காட்டுகின்றன. பின்வரும் ஹதீஸும் இதற்கு மற்றொரு சான்றாகும்.
إنَّ
اللهَ لا يَقبِضُ العِلمَ انتِزاعًا يَنتَزِعُه مِنَ النَّاسِ، ولَكِن يَقبِضُ العِلمَ
بقَبضِ العُلَماءِ، حتَّى إذا لَم يَترُكْ عالِمًا، اتَّخَذَ النَّاسُ رُؤوسًا
جُهَّالًا، فسُئِلوا فأفتَوا بغيرِ عِلمٍ، فضَلُّوا وأضَلُّوا. خلاصة حكم المحدث :
[صحيح]
الراوي
: عبدالله بن عمرو | المحدث : مسلم | المصدر : صحيح مسلم | الصفحة أو الرقم : 2673
| التخريج : أخرجه البخاري (100)
“அல்லாஹ் கல்வியை
அடியார்களிடமிருந்து ஒரேயடியாகப் பறித்து விட மாட்டான். ஆயினும் அறிஞர்களைக்
கைப்பற்றுவதன் மூலமே அவன் கல்வியைக் கைப்பற்றுவான். கடைசியாக ஒரு அறிஞர் கூட
மீதமில்லாமல் ஆக்கி விட்டதும், மக்கள் அறிவீனர்களைத்
தமது தலைவர்களாக்கிக் கொள்வார்கள். அவர்களிடம் கேள்விகள் கேட்கப்பட்டு அறிவின்றியே
மார்க்கத் தீர்ப்பும் வழங்குவார்கள். (இதன் மூலம்) தாமும் வழி கெட்டு(ப்
பிறரையும்) வழி கெடுப்பார்கள்” என்று நபி ﷺ அவர்கள் கூறினார்கள். அறிவிப்பவர்: அப்துல்லாஹ் பின்
அம்ர்(ரலி) ( நூல்: புகாரி )
حَدَّثَنَا
أَبُو أَحْمَدَ حَدَّثَنَا عَبْدُ اللهِ بْنُ الْوَلِيدِ الْعِجْلِيُّ وَكَانَتْ
لَهُ هَيْئَةٌ رَأَيْنَاهُ عِنْدَ حَسَنٍ عَنْ بُكَيْرِ بْنِ شِهَابٍ عَنْ سَعِيدِ
بْنِ جُبَيْرٍ عَنِ ابْنِ عَبَّاسٍ قَالَ أَقْبَلَتْ يَهُودُ إِلَى رَسُولِ اللهِ
ﷺ فَقَالُوا يَا أَبَا الْقَاسِمِ إِنَّا نَسْأَلُكَ عَنْ خَمْسَةِ أَشْيَاءَ
فَإِنْ أَنْبَأْتَنَا بِهِنَّ عَرَفْنَا أَنَّكَ نَبِيٌّوَاتَّبَعْنَاكَ فَأَخَذَ
عَلَيْهِمْ مَا أَخَذَ إِسْرَائِيلُ عَلَى بَنِيهِ إِذْ قَالُوا اللهُ عَلَى مَا
نَقُولُ وَكِيلٌ قَالَ هَاتُوا قَالُوا أَخْبِرْنَا عَنْ عَلامَةِ النَّبِيِّ
قَالَ تَنَامُ عَيْنَاهُ وَلا يَنَامُ قَلْبُهُ قَالُوا أَخْبِرْنَا كَيْفَ
تُؤَنِّثُ الْمَرْأَةُ وَكَيْفَ تُذْكِرُ؟ قَالَ يَلْتَقِي الْمَاءَانِ فَإِذَا
عَلَا مَاءُ الرَّجُلِ مَاءَ الْمَرْأَةِ أَذْكَرَتْ وَإِذَا عَلَا مَاءُ
الْمَرْأَةِ مَاءَ الرَّجُلِ آنَثَتْ قَالُوا أَخْبِرْنَا مَا حَرَّمَ
إِسْرَائِيلُ عَلَى نَفْسِهِ؟ قَالَ كَانَ يَشْتَكِي عِرْقَ النَّسَا فَلَمْ
يَجِدْ شَيْئًا يُلائِمُهُ إِلا أَلْبَانَ كَذَا وَكَذَا قَالَ أَبِي قَالَ
بَعْضُهُمْ يَعْنِي الْإِبِلَ فَحَرَّمَ لُحُومَهَا قَالُوا صَدَقْتَ قَالُوا
أَخْبِرْنَا مَا هَذَا الرَّعْدُ؟ قَالَ مَلَكٌ مِنْ مَلائِكَةِ اللهِ عَزَّ
وَجَلَّ مُوَكَّلٌ بِالسَّحَابِ بِيَدِهِ أَوْ فِي يَدِهِ مِخْرَاقٌ مِنْ نَارٍ
يَزْجُرُ بِهِ السَّحَابَ يَسُوقُهُ حَيْثُ أَمَرَ اللهُ قَالُوا فَمَا هَذَا
الصَّوْتُ الَّذِي نَسْمَعُ؟ قَالَ صَوْتُهُ قَالُوا صَدَقْتَ إِنَّمَا بَقِيَتْ
وَاحِدَةٌ وَهِيَ الَّتِي نُبَايِعُكَ إِنْ أَخْبَرْتَنَا بِهَا فَإِنَّهُ لَيْسَ
مِنْ نَبِيٍّ إِلا لَهُ مَلَكٌ يَأْتِيهِ بِالْخَبَرِ فَأَخْبِرْنَا مَنْ صَاحِبكَ؟
قَالَ جِبْرِيلُ عَلَيْهِ السَّلامُ قَالُوا جِبْرِيلُ ذَاكَ الَّذِي يَنْزِلُ
بِالْحَرْبِ وَالْقِتَالِ وَالْعَذَابِ عَدُوُّنَا لَوْ قُلْتَ مِيكَائِيلَ
الَّذِي يَنْزِلُ بِالرَّحْمَةِ وَالنَّبَاتِ وَالْقَطْرِ لَكَانَ فَأَنْزَلَ
اللهُ عَزَّ وَجَلَّ {مَنْ كَانَ عَدُوًّا لِجِبْرِيلَ} [البقرة 97] إِلَى آخِرِ
الْآيَةَ
இப்னு அப்பாஸ் (ரழி) அவர்கள் அறிவிக்கிறார்கள்: "யூதர்கள் அல்லாஹ்வின் தூதர் ﷺ அவர்களிடம் வந்து, "அபுல் காஸிமே! நாங்கள் உங்களிடம் ஐந்து விஷயங்கள் குறித்துக் கேட்கப்
போகிறோம். அவற்றை நீங்கள் எங்களுக்குத் தெரிவித்தால், நீங்கள் ஒரு இறைத்தூதர் என்பதை நாங்கள் அறிந்துகொண்டு, உங்களைப் பின்பற்றுவோம்" என்று கூறினார்கள்.
அப்போது, இஸ்ராயீல் (யஅகூப் நபி) தமது மகன்களிடம் உறுதிமொழி வாங்கியதைப் போன்று
(அல்லாஹ்வின் மீது சத்தியம் செய்து) நபியவர்கள் அந்த யூதர்களிடம் உறுதிமொழி
வாங்கினார்கள். அதன்படி அவர்கள், "நாம் கூறுவதற்கு
அல்லாஹ்வே பொறுப்பாளர்" என்று கூறினார்கள்.
நபியவர்கள், "கேளுங்கள்" என்றார்கள்.
யூதர்கள், "நபி என்பதற்கான அடையாளம் என்னவென்று எங்களுக்குத் தெரிவியுங்கள்" என்று
கேட்டனர்.
அதற்கு நபியவர்கள், "அவரது கண்கள் உறங்கும்;
ஆனால், அவரது உள்ளம்
உறங்காது" என்று பதிலளித்தார்கள்.
அவர்கள், "ஒரு பெண்ணுக்கு எவ்வாறு பெண் குழந்தை பிறக்கிறது, எவ்வாறு ஆண் குழந்தை பிறக்கிறது என்பதை எங்களுக்குத் தெரிவியுங்கள்"
என்று கேட்டனர்.
அதற்கு நபியவர்கள், "(கணவன்,
மனைவி ஆகிய இருவரின்) நீர் (கருவுறுதலுக்குரிய திரவம்)
ஒன்றுசேரும்போது,
பெண்ணின் நீரை விட ஆணின் நீர் மேலோங்கினால் ஆண் குழந்தை
பிறக்கும். ஆணின் நீரை விடப் பெண்ணின் நீர் மேலோங்கினால் பெண் குழந்தை
பிறக்கும்" என்று பதிலளித்தார்கள்.
அவர்கள், "இஸ்ராயீல் (யஅகூப் நபி) தனக்குத்தானே எதனை விலக்கிக்கொண்டார் (தடை
செய்துகொண்டார்) என்பதை எங்களுக்குத் தெரிவியுங்கள்" என்று கேட்டனர்.
அதற்கு நபியவர்கள், "அவருக்கு 'இர்க்குந் நிஸா'
(நரம்பு வலி) ஏற்பட்டிருந்தது. அவருக்கு இன்னின்ன (ஒட்டகப்)
பால்களைத் தவிர வேறெதுவும் ஒத்துவராததால்... (அறிவிப்பாளரின் தந்தை கூறுகிறார்:
ஒட்டகம் என்று சிலர் கூறினர்) எனவே, அவர் அதன் இறைச்சியைத்
தமக்குத் தடை செய்துகொண்டார்" என்று கூறினார்கள்.
யூதர்கள், "நீங்கள் உண்மையே கூறினீர்கள்" என்றார்கள்.
பின்னர் அவர்கள், "இந்த இடி (இடி முழக்கம்) என்றால் என்ன என்பதை எங்களுக்குத் தெரிவியுங்கள்"
என்று கேட்டனர்.
அதற்கு நபியவர்கள், "அவர் கண்ணியமும் மகத்துவமும் மிக்க அல்லாஹ்வின் வானவர்களில் ஒருவராவார். அவர்
மேகங்களை நிர்வகிக்கும் பொறுப்பைப் பெற்றவர். அவரது கையில் நெருப்பாலான ஒரு சாட்டை
(மிக்ராக்) இருக்கும். அதன் மூலம் அவர் மேகங்களை விரட்டி, அல்லாஹ் கட்டளையிடும் இடத்திற்கு அவற்றை ஓட்டிச் செல்வார்" என்று
பதிலளித்தார்கள்.
அவர்கள், "அப்படியென்றால் நாங்கள் கேட்கும் இந்தச் சத்தம் என்ன?" என்று கேட்டனர்.
அதற்கு நபியவர்கள், "அது அவரது சத்தமே (மேகங்களை அதட்டும் சத்தம்) ஆகும்" என்றார்கள்.
யூதர்கள், "நீங்கள் உண்மையே கூறினீர்கள்" என்று கூறிவிட்டு, "இன்னும் ஒரேயொரு விஷயம் மட்டுமே எஞ்சியுள்ளது. அதையும் நீங்கள் எங்களுக்குத்
தெரிவித்து விட்டால்,
நாங்கள் உங்களிடம் விசுவாசப் பிரமாணம் (பைஅத்) செய்வோம்.
ஒவ்வொரு நபிக்கும் செய்திகளை (வஹீயை)க் கொண்டுவரும் ஒரு வானவர் இருப்பார்.
உங்களுடைய தோழர் (செய்தி கொண்டு வரும் வானவர்) யார் என்பதை எங்களுக்குத்
தெரிவியுங்கள்" என்று கேட்டனர்.
அதற்கு நபியவர்கள், "ஜிப்ரீல் (அலை) ஆவார்கள்" என்று பதிலளித்தார்கள்.
அவர்கள், "ஜிப்ரீலா! அவர் போருடனும், சண்டையுடனும், வேதனையுடனும் இறங்கக்கூடியவராயிற்றே! அவர் எங்களுடைய எதிரி! அருளுடனும், தாவரங்களுடனும்,
மழையுடனும் இறங்கும் மீக்காயீல் என்று நீங்கள்
கூறியிருந்தால் (நாங்கள் உங்களை ஏற்றிருப்போம்)" என்று கூறினார்கள்.
அப்போது, கண்ணியமும் மகத்துவமும் மிக்க அல்லாஹ், "{மன் கான அதுவ்வன் லிஜிப்ரீல} (எவர் ஜிப்ரீலுக்கு
எதிரியாக இருக்கிறாரோ...)" [அல்பகரா: 97] என்ற வசனத்தை
இறுதிவரை அருளினான். ( நூல்: முஸ்னத் அஹ்மத் )
எதிலும் அளவு
கடந்து செல்வதை இஸ்லாம் ஆதரிக்க வில்லை. அல்குர்ஆனில் இரு வசனங்களில் அளவு கடந்து
செல்வதை அல்லாஹ் தடுத்துள்ளான். அந்நிஸா 171 ஆவது வசனம், அல்மாஇதா 77
ஆவது வசனம். அதே போன்றுதான் கேள்வி கேட்பதிலும் அளவு கடந்து
செல்வதை அல்லாஹ் ரப்புல் ஆலமீன் தடுத்துள்ளான்.
یٰۤاَیُّهَا
الَّذِیْنَ اٰمَنُوْا لَا تَسْـَٔلُوْا عَنْ اَشْیَآءَ اِنْ تُبْدَ لَكُمْ
تَسُؤْكُمْ ۚ وَاِنْ تَسْـَٔلُوْا عَنْهَا حِیْنَ یُنَزَّلُ الْقُرْاٰنُ تُبْدَ
لَكُمْ ؕ عَفَا اللّٰهُ عَنْهَا ؕ وَاللّٰهُ غَفُوْرٌ حَلِیْمٌ ۟
ஈமான்
கொண்டவர்களே! சில விஷயங்களைப்பற்றி (அவசியமில்லாமல்) கேட்டுக் கொண்டிராதீர்கள்.
(அவை) உங்களுக்கு வெளிப்படுத்தப்படுமானால் உங்களுக்கு (அது) தீங்காக இருக்கும்; மேலும் குர்ஆன் இறக்கப்படும் சமயத்தில் அவை பற்றி நீங்கள் கேட்பீர்களானால் அவை
உங்களுக்குத் தெளிவாக்கப்படும்; (அவசியமில்லாமல் நீங்கள்
விசாரித்ததை) அல்லாஹ் மன்னித்து விட்டான்; அல்லாஹ் மிக்க
மன்னிப்போனும்,
மிக்க பொறுமை உடையோனுமாவான். ( அல்குர்ஆன்: 5: 101 )மேற்கண்ட வசனம் இறங்குவதற்கு ஒரு பிண்ணனி உள்ளது.
عن أنس
بن مالك قال: سألوا النبي ﷺ حتى أحفَوه بالمسألة، فصعد النبي ﷺ ذات يوم المنبر
فقال: «لا تسألوني عن شيء إلا بينتُ لكم» فجعلتُ أنظر يمينًا وشمالًا، فإذا كل رجل
رأسه في ثوبه يبكي، فأنشأ رجل، كان إذا لاحى يدعى إلى غير أبيه، فقال: يا نبي اله
من أبي؟ فقال: «أبوك حذافة» ثم أنشأ عمر فقال: رضينا باللَّه ربًّا، وبالإسلام
دينًا، وبمحمد رسولًا، نعوذ باللَّه من سوء الفتن. فقال النبي ﷺ: «ما رأيت في
الخير والشر كاليوم قط، إنه صورت لي الجنة والنار، حتى رأيتهما دون الحائط» فكان
قتادة يذكر هذا الحديث عند هذه الآية: ﴿يَاأَيُّهَا الَّذِينَ آمَنُوا لَا
تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ وَإِنْ تَسْأَلُوا
عَنْهَا حِينَ يُنَزَّلُ الْقُرْآنُ تُبْدَ لَكُمْ عَفَا اللَّهُ عَنْهَا
وَاللَّهُ غَفُورٌ حَلِيمٌ﴾ [المائدة: ١٠١].
அனஸ் (ரலி)
கூறுகின்றார்கள் : நபித்தோழர்கள் (சிலர்) நபி ﷺ அவர்களிடம் (அவர்களுக்குப் பிடிக்காத) சில விஷயங்கள்
குறித்து வற்புறுத்திக் கேட் டுக் கொண்டிருந்தார்கள். ஆகவே நபி ﷺ அவர்கள் ஒருநாள் மிம்பரின் மீதேறி (இன்று) நீங்கள்
என்னி டம் எதைப் பற்றிக் கேட்டாலும் அதைப் பற்றி நான் உங்களுக்குத்
தெளிவுபடுத்தாமல் இருக்கப்போவதில் லையென்று (கோபத்துடன்) கூறினார்கள். உடனே நான்
வலப்பக்கமும் இடப் பக்கமும் திரும்பிப் பார்க்கத் தலைப்பட்டபோது அங்கிருந்த
ஒவ்வொரு வரும் தமது ஆடையால் தலையைத் சுற்றிப் போர்த்தியவாறு அழுது
கொண்டிருந்தார்கள். அப்போது ஒரு மனிதர் பேசத் தெடங்கினார். அம்மனிதர் (பிறருடன்)
சண்டை சச்சரவு செய்யும் போது அவருடைய தந்தையல்லாத மற்றொரு வரின் மகன் என
அழைக்கப்பட்டு வந்தார். ஆகவே அவர், அல்லாஹ்வின் நபியே! என்
தந்தை யார்?
என்று கேட்டார். நபி ﷺ அவர்கள், உன் தந்தை ஹுதாஃபா என்று
சொன்னார்கள். பிறகு உமர் (ரலி) அவர்கள் நாங் கள் அல்லாஹ்வை இறைவனாகவும், இஸ்லாமை மார்க் கமாகவும், முஹம்மத் ﷺ அவர்களை இறைத் தூதரா கவும் மனநிறைவுடன் ஏற்றுக்
கொண்டோம். குழப்பங்க ளின் தீங்கிலிருந்து பாதுகாக்கும்படி அல்லாஹ்விடம்
கோருகின்றோம் என்று கூறினார்கள். அப்போது நபி ﷺ அவர்கள், நன்மையிலும் தீமையிலும்
இன்றைய தினத்தைப் போன்று எந்த நாளையும் ஒருபோதும் நான் கண்டதில்லை. எனக்கு (இன்று)
சுவர்க்கமும் நரகமும் காட்டப்பட்டன. அவற்றை (மிஹ்ராபின்) இந்தச் சுவரு க்கு
அப்பால் நான் கண்டேன் என்று சொன்னார்கள். (அறிவிப்பாளர்களில் ஒருவரான) கத்தாதா
(ரஹ்) அவர் கள் கூறுகின்றார்கள். இந்த நபிமொழி, இறை நம்பிக் கை
கொண்டவர்களே! சில விஷயங்களைக் குறித்துக் கேட்காதீர்கள். அவை உங்களுக்கு
வெளிப்படுத்தப் பட்டால் உங்களுக்கு மன வருத்தத்தை ஏற்படுத்தும் எனும் (5-101 ஆவது) இறைவசனத்தை ஓதும் போது நினைவு கூறப்படுவது வழக்கம். ( நூல்: புகாரி, முஸ்லிம் )
இஸ்லாம் அறிவுப்பூர்வமான
அற்புதமான ஓர் மார்க்கம். ஏன்? எதற்கு? எப்படி? என்ன? எவ்வாறு? என்று கேள்வி கேட்டு சிந்தித்து தெளிவு
பெறுவதை ஊக்குவிக்கும் அழகான மார்க்கம்.
ஏனெனில், அல்லாஹ் ரப்புல் ஆலமீன்
மேன்மக்களான நபிமார்கள் கேள்வி கேட்டு பதிலளித்துள்ளான். அவனால்
புனிதப்படுத்தப்பட்ட மர்யம் (அலை) அவர்களின் கேள்விக்கு பதிலளித்துள்ளான். மேலான
வானவர்கள் கேட்ட கேள்விக்கு பதிலளித்துள்ளான் என்கிற செய்திகளெல்லாம் அல்குர்ஆனில்
பல இடங்களில் அல்லாஹ் குறிப்பிடுகின்றான்.
உஸைர் (அலை) அவர்கள் கேட்ட
கேள்வியும், அல்லாஹ்வின் பதிலும்...
اَوْ
كَالَّذِىْ مَرَّ عَلٰى قَرْيَةٍ وَّ هِىَ خَاوِيَةٌ عَلٰى عُرُوْشِهَا قَالَ
اَنّٰى يُحْىٖ هٰذِهِ اللّٰهُ بَعْدَ مَوْتِهَا فَاَمَاتَهُ اللّٰهُ مِائَةَ عَامٍ
ثُمَّ بَعَثَهٗ قَالَ كَمْ لَبِثْتَؕ قَالَ لَبِثْتُ يَوْمًا اَوْ بَعْضَ يَوْمٍ
قَالَ بَلْ لَّبِثْتَ مِائَةَ عَامٍ فَانْظُرْ اِلٰى طَعَامِكَ وَشَرَابِكَ لَمْ
يَتَسَنَّهْ وَانْظُرْ اِلٰى حِمَارِك وَلِنَجْعَلَكَ اٰيَةً لِّلنَّاسِ
وَانْظُرْ اِلَى الْعِظَامِ كَيْفَ نُـنْشِزُهَا ثُمَّ نَكْسُوْهَا لَحْمًا فَلَمَّا
تَبَيَّنَ لَهٗ قَالَ اَعْلَمُ اَنَّ اللّٰهَ عَلٰى كُلِّ شَىْءٍ قَدِيْرٌ
மேலும், ஒரு கிராமத்தின் பக்கமாகச் சென்றவரைப் போல் -
(அந்த கிராமத்திலுள்ள வீடுகளின்) உச்சிகளெல்லாம் (இடிந்து, விழுந்து) பாழடைந்து கிடந்தன; (இதைப் பார்த்த அவர்) “இவ்வூர் (இவ்வாறு அழிந்து) மரித்தபின் இதனை
அல்லாஹ் எப்படி உயிர்ப்பிப்பான்?” என்று (வியந்து) கூறினார்; ஆகவே, அல்லாஹ் அவரை நூறாண்டுகள்
வரை இறந்து போகும்படிச் செய்தான்; பின்னர் அவரை
உயிர்பெற்றெழும்படிச் செய்து, “எவ்வளவு காலம் (இந்நிலையில்) இருந்தீர்?” என்று அவரைக் கேட்டான்; அதற்கவர், “ஒரு நாள் அல்லது ஒரு
நாளின் சிறு பகுதியில் (இவ்வாறு) இருந்தேன்” என்று கூறினார்; “இல்லை நீர் (இந்நிலையில்)
நூறாண்டுகள் இருந்தீர்! இதோ பாரும் உம்முடைய உணவையும், உம்முடைய பானத்தையும்; (கெட்டுப் போகாமையினால்)
அவை எந்த விதத்திலும் மாறுதலடையவில்லை; ஆனால் உம்முடைய கழுதையைப்
பாரும்; உம்மை மனிதர்களுக்கு ஓர்
அத்தாட்சியாக்குவதற்காக (இவ்வாறு மரணிக்கச் செய்து உயிர் பெறச் செய்கிறோம்; இன்னும் (அக்கழுதையின்) எலும்புகளைப் பாரும்; அவற்றை நாம் எப்படிச் சேர்க்கிறோம்; பின்னர் அவற்றின்மேல் சதையைப் போர்த்துகிறோம்” எனக்கூறி (அதனை உயிர் பெறச் செய்தான்-
இதுவெல்லாம்) அவருக்குத் தெளிவான போது: அவர், “நிச்சயமாக அல்லாஹ் எல்லாப் பொருள்களின்
மீதும் வல்லமையுடையவன் என்பதை நான் அறிந்து கொண்டேன்” என்று கூறினார். ( அல்குர்ஆன்: 2: 259 )
இப்ராஹீம் (அலை) கேட்ட கேள்வியும், அல்லாஹ் கூறிய பதிலும்...
وَاِذْ
قَالَ اِبْرٰهٖمُ رَبِّ اَرِنِىْ كَيْفَ تُحْىِ الْمَوْتٰى قَالَ اَوَلَمْ
تُؤْمِنْ قَالَ بَلٰى وَلٰـكِنْ لِّيَطْمَٮِٕنَّ قَلْبِىْ قَالَ فَخُذْ
اَرْبَعَةً مِّنَ الطَّيْرِ فَصُرْهُنَّ اِلَيْكَ ثُمَّ اجْعَلْ عَلٰى كُلِّ
جَبَلٍ مِّنْهُنَّ جُزْءًا ثُمَّ ادْعُهُنَّ يَاْتِيْنَكَ سَعْيًا وَاعْلَمْ اَنَّ
اللّٰهَ عَزِيْزٌ حَكِيْمٌ
இன்னும், இப்ராஹீம்: “என் இறைவா! இறந்தவர்களை நீ எவ்வாறு
உயிர்ப்பிக்கிறாய் என்பதை எனக்குக் காண்பிப்பாயாக!” எனக் கோரியபோது, அவன்,“நீர் (இதை) நம்ப வில்லையா?” எனக் கேட்டான்; “மெய்(யாக நம்புகிறேன்!)
ஆனால் என் இதயம் அமைதிபெறும் பொருட்டே (இவ்வாறு கேட்கிறேன்)” என்று கூறினார் “(அப்படியாயின்,) பறவைகளிலிருந்து நான்கைப்பிடித்து, (அவை உம்மிடம் திரும்பி
வருமாறு) பழக்கிக்கொள்ளும்; பின்னர்(அவற்றை அறுத்து)
அவற்றின் பாகத்தை ஒவ்வொரு மலையின் மீது வைத்து விடும்; பின், அவற்றைக் கூப்பிடும்; அவை உம்மிடம் வேகமாய்(ப் பறந்து) வரும்; நிச்சயமாக அல்லாஹ் மிகைத்தவன், பேரறிவாளன் என்பதை அறிந்து கொள்ளும்” என்று (அல்லாஹ்) கூறினான்.. ( அல்குர்ஆன்: 2: 260 )
மர்யம் (அலை) அவர்களின் கேள்வியும், வானவர் மூலம் அல்லாஹ் கூறிய பதிலும்..
قَالَ اِنَّمَاۤ اَنَا
رَسُوْلُ رَبِّكِ لِاَهَبَ لَـكِ غُلٰمًا زَكِيًّا
“நிச்சயமாக நான் உம்முடைய இறைவனின் தூதன்; பரிசுத்தமான புதல்வரை உமக்கு நன்கொடை அளிக்க
(வந்துள்ளேன்”) என்று கூறினார்.
قَالَتْ اَنّٰى
يَكُوْنُ لِىْ غُلٰمٌ وَّلَمْ يَمْسَسْنِىْ بَشَرٌ وَّلَمْ اَكُ بَغِيًّا
அதற்கு அவர் (மர்யம்), “எந்த ஆடவனும் என்னைத்
தீண்டாமலும், நான் நடத்தை பிசகியவளாக
இல்லாதிருக்கும் நிலையிலும் எனக்கு எவ்வாறு புதல்வன் உண்டாக முடியும்?” என்று கூறினார்.
قَالَ كَذٰلِكِ ۚ
قَالَ رَبُّكِ هُوَ عَلَىَّ هَيِّنٌ ۚ وَلِنَجْعَلَهٗۤ اٰيَةً لِّلنَّاسِ
وَرَحْمَةً مِّنَّا ۚ وَكَانَ اَمْرًا مَّقْضِيًّا
“அவ்வாறேயாகும்; “இது எனக்கு மிகவும்
சுலபமானதே; மனிதர்களுக்கு ஓர்
அத்தாட்சியாகவும், நம்மிடமிருந்து ஒரு
ரஹ்மத்தாகவும் நாம் அவரை ஆக்குவோம்; இது விதிக்கப்பட்ட
விஷயமாகும்” என்று உம் இறைவன்
கூறுகிறான்” எனக் கூறினார். (
அல்குர்ஆன்: 19: 19-21 )
மேலும், அல்லாஹ் ரப்புல் ஆலமீன் மார்க்கம் தொடர்பான
விவகாரங்களில் கேள்வி கேட்டு தெளிவு பெற்றுக் கொள்ளுமாறு தூண்டுகிறான்.
وَمَاۤ اَرْسَلْنَا مِنْ قَبْلِكَ اِلَّا
رِجَالًا نُّوْحِىْۤ اِلَيْهِمْ فَسْـــَٔلُوْۤا اَهْلَ الذِّكْرِ اِنْ كُنْتُمْ
لَا تَعْلَمُوْنَۙ
بِالْبَيِّنٰتِ وَالزُّبُرِؕ وَاَنْزَلْنَاۤ
اِلَيْكَ الذِّكْرَ لِتُبَيِّنَ لِلنَّاسِ مَا نُزِّلَ اِلَيْهِمْ وَلَعَلَّهُمْ
يَتَفَكَّرُوْنَ
(முஹம்மதே!) உமக்கு முன் ஆண்களையே தூதர்களாக
அனுப்பினோம். அவர்களுக்குத் தெளிவான சான்றுகளுடனும், ஏடுகளுடனும் நமது தூதுச் செய்தியை
அறிவித்தோம். (மக்களே!) நீங்கள் அறியாதிருந்தால் அறிவுடையோரிடம் கேளுங்கள்!
மக்களுக்கு அருளப்பட்டதை
நீர் அவர்களுக்கு விளக்க வேண்டும் என்பதற்காகவும், அவர்கள் சிந்திக்க வேண்டும் என்பதற்காகவும்
இந்தப் போதனையை உமக்கு அருளினோம். ( அல்குர்ஆன்: 16: 43,44 )
ஏகத்துவத்தை மறுத்து தவறான
வாதங்களை முன்வைத்து இறைத்தூதர் அவர்களிடம் கேட்கப்பட்ட பல்வேறு கேள்விகளுக்கு
அல்லாஹ் இறைவசனங்களை இறக்கியருளி பதில் தந்ததை அல்குர்ஆனின் பல்வேறு வசனங்கள் ஊடாக
நாம் தெரிந்து கொள்ள முடிகின்றது.
قُلْ
أَئِنَّكُمْ لَتَكْفُرُونَ بِالَّذِي خَلَقَ الْأَرْضَ فِي يَوْمَيْنِ
وَتَجْعَلُونَ لَهُ أَنْدَادًا ۚ ذَٰلِكَ رَبُّ الْعَالَمِينَ
وَجَعَلَ
فِيهَا رَوَاسِيَ مِنْ فَوْقِهَا وَبَارَكَ فِيهَا وَقَدَّرَ فِيهَا أَقْوَاتَهَا
فِي أَرْبَعَةِ أَيَّامٍ سَوَاءً لِلسَّائِلِينَ
பூமியை இரண்டு நாட்களில்
படைத்தவனையா மறுக்கிறீர்கள்? மேலும் அவனுக்கு
நிகரானவர்களைக் கற்பனை செய்கிறீர்கள். அவனே அகிலத்தின் அதிபதியாவான்” என்று கூறுவீராக! நான்கு நாட்களில் அதன் மேலே
முளைகளை ஏற்படுத்தினான். அதில் பாக்கியம் செய்தான். அதன் உணவுகளை அதில் நிர்ணயம்
செய்தான். கேள்வி கேட்போருக்குச் சரியான விடை இதுவே. ( அல்குர்ஆன்: 49: 9,10 )
سَاَلَ سَآٮِٕلٌ ۢ بِعَذَابٍ وَّاقِعٍۙ
لِّلْكٰفِرِيْنَ
لَيْسَ لَهٗ دَافِعٌ ۙ
مِّنَ
اللّٰهِ ذِى الْمَعَارِجِؕ
தகுதிகள் உடைய
அல்லாஹ்விடமிருந்து (ஏக இறைவனை) மறுப்போருக்கு நிகழக் கூடிய வேதனை குறித்துக்
கேள்வி கேட்பவன் கேட்கிறான். அதை (வேதனையை) தடுப்பவன் யாருமில்லை. ( அல்குர்ஆன்: 70; 1-3 )
மேலும், இறைத்தூதர் நபி (ஸல்) அவர்களிடம் கேட்கப்பட்ட
கேள்விகளை குறிப்பிடாமல் அந்த கேள்விகளுக்கு அளித்த பதிலை "குல் - நபியே!
அவர்களிடம் கூறிவிடுவீராக!" என்று குறிப்பிடுகின்றான்.
إن فعل الأمر "قل" من أكثر الكلمات
ورودًا في القرآن الكريم؛ حيث وردت 332 مرة، وهي رسالة مباشرة من الله سبحانه
وتعالى يجب تبليغ ما بعدها إلى كل البشر، وعلى كل من يؤمن بالله ورسوله تبليغ هذا
الأمر.
பதில் கூறும் முகமாக
அமைந்த இந்த வார்த்தை 332 இடங்களில் அல்குர்ஆனில்
இடம் பெற்றுள்ளது.
ஆக கேள்வி கேட்பது, அதற்கு பதிலை, தெளிவைப் பெறுவது, பதிலை, தெளிவை அளிப்பது இஸ்லாம்
வழங்கியிருக்கிற மகத்தான அனுமதியும் அருட்கொடையும் ஆகும்.
நபி (ஸல்) அவர்களிடம்
கேட்கப்பட்ட சில கேள்விகளும்... நபி (ஸல்) அவர்கள் கூறிய பதில்களும்...
அல்லாஹ்வின் தூதர் (ஸல்)
அவர்களிடம் தங்களுக்கு தெரியாத, சந்தேகத்திற்குரிய அனைத்து
விஷயங்களைக் குறித்தும் நபித்தோழர்கள் கேட்டு தெரிந்து கொண்டார்கள்.
படைத்தவன் – படைப்பினங்கள், தனி மனித ஒழுங்கு – சமூக ஒழுக்கம், ஆண்கள் – பெண்கள், இம்மை – மறுமை, நம்பிக்கையாளர்கள் – மறுப்பாளர்கள், நேர்வழி – வழிகேடு, நன்மை – தீமை, சுவனம் - நரகம் என்று எல்லா விதமான
அம்சங்களிலும் கேள்விகள் கேட்டு மார்க்கத்தைத் தெளிவு படுத்திக் கொண்டார்கள்.
இப்படி எதையும் சீர்தூக்கி
ஆராய்ந்து, கேள்வி கேட்டு தெளிந்து
பின்பற்றுவது தான் நம்மை நேர்வழிக்கு
அழைத்துச் செல்வதோடு. தீய காரியங்களை விட்டு விலகுவதற்கும் வழிகாட்டும்.
عَنْ أَبِي هُرَيْرَةَ قَالَ
بَيْنَمَا
النَّبِيُّ صلى الله عليه وسلم فِي مَجْلِسٍ يُحَدِّثُ الْقَوْمَ جَاءَهُ أَعْرَابِيٌّ
فَقَالَ مَتَى السَّاعَةُ فَمَضَى رَسُولُ اللهِ صلى الله عليه وسلم يُحَدِّثُ فَقَالَ
بَعْضُ الْقَوْمِ سَمِعَ مَا قَالَ فَكَرِهَ مَا قَالَ وَقَالَ بَعْضُهُمْ بَلْ لَمْ
يَسْمَعْ حَتَّى إِذَا قَضَى حَدِيثَهُ قَالَ أَيْنَ – أُرَاهُ – السَّائِلُ ، عَنِ
السَّاعَةِ قَالَ هَا أَنَا يَا رَسُولَ اللهِ قَالَ فَإِذَا ضُيِّعَتِ الأَمَانَةُ
فَانْتَظِرِ السَّاعَةَ قَالَ كَيْفَ إِضَاعَتُهَا قَالَ إِذَا وُسِّدَ الأَمْرُ إِلَى
غَيْرِ أَهْلِهِ فَانْتَظِرِ السَّاعَةَ.
ஓர் சபையில் நபி (ஸல்)
அவர்கள் மக்களிடம் (மார்க்க விஷயமாகப்) பேசிக்கொண்டிருக்கும் போது அவர்களிடம்
கிராமவாசி ஒருவர் வந்து,
“மறுமை
நாள் எப்போது?” எனக் கேட்டார். நபி (ஸல்)
அவர்கள் (அவருக்கு பதிலளிக்காமல்) தமது பேச்சைத் தொடர்ந்து கொண்டிருந்தார்கள்.
அப்போது (அங்கிருந்த) மக்களில் சிலர், “நபி (ஸல்) அவர்கள் அந்த மனிதர் கூறியதைச்
செவியுற்றார்கள்; ஆயினும் அவர் கேட்ட
கேள்வியை நபி (ஸல்) அவர்கள் விரும்பவில்லை’ என்று கூறினர். மற்ற சிலர், “நபியவர்கள் அந்த மனிதர்
கூறியதைச் செவியுறவில்லை’ என்றனர்.
நபி (ஸல்) அவர்கள் தமது
பேச்சை முடித்துவிட்டு,
“மறுமை
நாளைப் பற்றி (என்னிடம் கேள்வி) கேட்டவர் எங்கே?” என்று கேட்டார்கள். உடனே அவர் “அல்லாஹ்வின் தூதரே! இதோ நான்தான்’ என்றார். நபி (ஸல்) அவர்கள், “அமானிதம் (அடைக்கலம்)
பாழ்படுத்தப்பட்டால் நீர் மறுமை நாளை எதிர்பாரும்!” என்று சொன்னார்கள். அதற்கவர், “அது எவ்வாறு
பாழ்படுத்தப்படும்?” என்று கேட்டார். அதற்கு
நபி (ஸல்) அவர்கள், அதிகாரங்கள்
தகுதியற்றோரிடம் ஒப்படைக்கப்பட்டால் நீர் மறுமை நாளை எதிர்பாரும்!” என்று பதிலளித்தார்கள். அறிவிப்பாளர்:
அபூஹுரைரா (ரலி),, ( நூல்: புகாரி )
عَنْ
عَبْدِ اللهِ بْنِ عَمْرِو بْنِ الْعَاصِ
عَنْ أَبِي هُرَيْرَةَ: أَنَّ أَعْرَابِيًّا أَتَى رَسُولَ
اللهِ صلى الله عليه وسلم فَقَالَ إِنَّ امْرَأَتِي وَلَدَتْ غُلاَمًا أَسْوَدَ
وَإِنِّي أَنْكَرْتُهُ فَقَالَ لَهُ رَسُولُ اللهِ صلى الله عليه وسلم هَلْ لَكَ
مِنْ إِبِلٍ قَالَ نَعَمْ قَالَ فَمَا أَلْوَانُهَا قَالَ حُمْرٌ قَالَ هَلْ
فِيهَا مِنْ أَوْرَقَ قَالَ إِنَّ فِيهَا لَوُرْقًا قَالَ فَأَنَّى تُرَى ذَلِكَ
جَاءَهَا قَالَ يَا رَسُولَ اللهِ عِرْقٌ نَزَعَهَا قَالَ وَلَعَلَّ هَذَا عِرْقٌ
نَزَعَهُ وَلَمْ يُرَخِّصْ لَهُ فِي الاِنْتِفَاءِ مِنْهُ.
அல்லாஹ்வின் தூதர் (ஸல்)
அவர்களிடம் ஒரு கிராமவாசி வந்து, “(வெள்ளை நிறத்தவனான எனக்கு) என் மனைவி
கறுப்பான மகனைப் பெற்றெடுத்தாள்; அவனை நான் (என் மனத்தில்)
ஏற்க மறுத்துவிட்டேன்” என்று சொன்னார். அதற்கு
அவரிடம் அல்லாஹ்வின் தூதர் (ஸல்) அவர்கள், “உன்னிடம் ஒட்டகங்கள் உள்ளனவா?” என்று கேட்டார்கள். அந்தக் கிராமவாசி, “ஆம்” என்று பதிலளித்தார்.
நபி (ஸல்) அவர்கள் “அவற்றின் நிறம் என்ன?” என்று கேட்டார்கள். அவர், “சிவப்பு” என்று சொன்னார். “அவற்றில் சாம்பல் நிற ஒட்டகங்களும் உள்ளனவா?” என்று நபி (ஸல்) அவர்கள் கேட்க, அவர் “(ஆம்) அவற்றில் சாம்பல் நிற ஒட்டகங்கள்
இருக்கவே செய்கின்றன” என்று பதிலளித்தார்.
“(தாயிடம் இல்லாத) அந்த
(சாம்பல்) நிறம் அவற்றுக்கு மட்டும் எவ்வாறு வந்ததென நீ கருதுகிறாய்?” என்று கேட்டார்கள். அந்தக் கிராமவாசி, “ஆண் ஒட்டகத்தின் பரம்பரை
காரணமாக வந்திருக்கலாம், அல்லாஹ்வின் தூதரே!” என்று சொன்னார். நபி (ஸல்) அவர்கள் “(உன்னுடைய) இந்த மகனும் உன்
பரம்பரையிலுள்ள (மூதாதையரின்) நிறத்தைக் கொண்டிருக்கக் கூடும்” என்று கூறி, அவன் தன்னுடையவன் அல்லன் என்று மறுக்க அந்தக்
கிராமவாசியை நபி (ஸல்) அவர்கள் அனுமதிக்கவில்லை. அறிவிப்பாளர்: அபூஹுரைரா
(ரலி), நூல்: ( புகாரி )
நபி (ஸல்) அவர்களுடன்
நாங்கள் (மஸ்ஜிதுந் நபவீ) பள்ளிவாசலில் அமர்ந்திருந்தபோது ஒட்டகத்தில் ஒரு மனிதர்
வந்து பள்ளி(யின் வளாகத்தி)ல் ஒட்டகத்தைப் படுக்கவைத்து அத(ன் முன்னங்காலி)னை
மடக்கிக் கட்டினார். பிறகு மக்களிடம் “உங்களில் முஹம்மது அவர்கள் யார்?’ என்று கேட்டார். அப்போது நபி (ஸல்) அவர்கள்
மக்களிடையே சாய்ந்து அமர்ந்திருந்தார்கள். “இதோ சாய்ந்து அமர்ந்திருக்கும் இந்த வெள்ளைநிற மனிதர்தாம்’ என்று நாங்கள் சொன்னோம்.
உடனே அம்மனிதர் நபி (ஸல்)
அவர்களை “அப்துல் முத்தலிபின் (மகனின்) புதல்வரே!’ என்றழைத்தார். அதற்கு நபியவர்கள் “என்ன விஷயம்?” என்று கேட்டார்கள். அப்போது அம்மனிதர் நபி
(ஸல்) அவர்களிடம் “நான் உங்களிடம் சில கேள்விகள் கேட்கப் போகிறேன்.
சில கடினமான கேள்விகளையும் நான் கேட்கப் போகிறேன். அதற்கு நீங்கள் என் மீது
கோபப்பட்டுவிடக் கூடாது” என்றார். அதற்கு நபி (ஸல்)
அவர்கள் “உம் மனதில் பட்டதைக் கேளும்!” என்றார்கள்.
உடனே அம்மனிதர் “உம்முடைய, உம் முன்னோருடைய இரட்சகன் மீது ஆணையாகக்
கேட்கிறேன்; அல்லாஹ்தான் உம்மை மனித
இனம் முழுவதற்கும் தூதராக அனுப்பினானா?’ என்றார். அதற்கு நபி (ஸல்)
அவர்கள் “ஆம், அல்லாஹ் சாட்சியாக!” என்றார்கள். அடுத்து அவர் “அல்லாஹ்வின் பொருட்டால் உம்மிடம் நான்
கேட்கிறேன்; அல்லாஹ்தான் இரவிலும்
பகலிலுமாக (நாளொன்றுக்கு) ஐவேளைத் தொழுகைகளைத் தொழுது வரவேண்டுமென்று உமக்கு(ம்
மக்களுக்கும்) கட்டளையிட்டிருக்கின்றானா?” என்று கேட்டார். அதற்கும்
நபி (ஸல்) அவர்கள் “ஆம், அல்லாஹ் சாட்சியாக” என்றார்கள்.
அவர் “அல்லாஹ்வின் பொருட்டால் உம்மிடம் நான்
கேட்கிறேன்; அல்லாஹ்தான் ஒவ்வொரு
ஆண்டிலும் (குறிப்பிட்ட) இந்த மாதத்தில் நோன்பு நோற்க வேண்டும் என்று உமக்குக்
கட்டளையிட்டிருக்கிறானா?” என்று கேட்டார். அதற்கு
நபி (ஸல்) அவர்கள் “ஆம், அல்லாஹ் சாட்சியாக!’ என்றார்கள்.
அவர், “அல்லாஹ்வின் பொருட்டால்
உம்மிடம் நான் கேட்கிறேன்: அல்லாஹ்தான் எங்கள் செல்வர்களிடமிருந்து இந்த (ஸகாத்
எனும்) தர்மத்தைப் பெற்று எங்கள் வறியோரிடையே விநியோகிக்குமாறு உமக்குக்
கட்டளையிட்டிருக்கின்றானா?” என்று கேட்டார். அதற்கு
நபி (ஸல்) அவர்கள், “ஆம், அல்லாஹ் சாட்சியாக!’ என்றார்கள்.
(இவற்றைக் கேட்டுவிட்டு) அம்மனிதர் “நீங்கள் (இறைவனிடமிருந்து) கொண்டு வந்தவற்றை
நான் நம்பி ஏற்கின்றேன்” என்று கூறிவிட்டு “நான், எனது கூட்டத்தார்களில்
இங்கு வராமல் இருப்பவர்களின் தூதுவனாவேன்; நான்தான் பனூ சஅத் பின்
பக்ர் குலத்தாரின் சகோதரன் ளிமாம் பின் ஸஅலபா” என்றும் கூறினார். அறிவிப்பாளர்: அனஸ் (ரலி), ( நூல் : புகாரி )
ஆகவே,அல்லாஹ்வும், அவனுடைய தூதரும் வழிகாட்டிய அடிப்படையில்
மார்க்கம் தொடர்பான சந்தேகங்களை தெளிவு படுத்திக் கொள்ளும் நல்ல தௌஃபீக்கை அல்லாஹ்
ரப்புல் ஆலமீன் நம் அனைவருக்கும் தந்தருள்வானாக! ஆமீன்! ஆமீன்! ஆமீன்! யாரப்பல்
ஆலமீன்!! வஸ்ஸலாம்!!!