சிறப்பு சலுகைகள் நம் மறுமை வாழ்வை சிறப்பாக்கட்டும்!!

 மஸாபீஹுல் மிஹ்ராப்

மிஹ்ராப் ஒளி விளக்குகள்

..............................................

தேதி: 30/06/2022

பிறை: துல் கஅதா 29

தலைப்பு:- சிறப்பு சலுகைகள்

நம் மறுமை வாழ்வை

சிறப்பாக்கட்டும்!!

துல்ஹஜ் முதல் பத்து நாட்கள் ஒரு முஸ்லிம் உடைய வாழ்க்கையில் கிடைக்கும் நாட்களில் மகத்தான நாட்களாகும்.

وَالْفَجْرِ  وَلَيَالٍ عَشْرٍ   الفجر: 1-2

துல்ஹஜ் மாதத்தின் முதல் பத்து நாட்களைப் பற்றி அல்லாஹ் இப்படிக்கூறுகிறான். “காலத்தின் மீது சத்தியமாக மேலும் பத்து இரவுகளின் மீது சத்தியமாக” என்று 89 அல் ஃபஜ்ர் அத்தியாயத்தில் குறிப்பிடுகிறான்.

எனவே, படைத்த இறைவனே 

சத்தியமிட்டுக் கூறி இந்த நாட்களின் கண்ணியத்தை உணர்த்துகின்றான்.

பத்து இரவுகள் என்று இங்கு குறிப்பிடுவது துல் ஹஜ் மாதத்தின் முதல் பத்து நாட்களின் இரவுகளாகும். என இமாம் இப்னு கஸீர் (ரஹ்) அவர்கள் "இப்னு அப்பாஸ் (ரலி), இப்னு சுபைர் (ரஹ்), முஜாஹித் (ரஹ்)," போன்ற அறிஞர்களின் கூற்றை ஆதாரமாக குறிப்பிடுகின்றார்கள்.  ( இப்னு கஸீர் : 8 / 413 )

وَيَذْكُرُوا اسْمَ اللَّهِ فِي أَيَّامٍ مَعْلُومَاتٍ

“அல்லாஹ்வின் பெயரை குறிப்பிட்ட  நாட்களில் அவர்கள் கூறுவதற்காகவும் …. 22:28 என்ற வசனத்திற்கு விளக்கம் தருகிற போது இப்னு அப்பாஸ் (ரலி) கூறினார்கள்: ”குறிப்பிட்ட நாட்கள் என்பது துல் ஹஜ் மாதத்தின் முதல் பத்து நாட்கள் ஆகும்.

( நூல்: தஃப்ஸீர் இப்னு கஸீர் )

عن ابن عباس رضي الله عنهما قال: قال رسول الله صلى الله عليه وسلم: (ما من أيام العمل الصالح فيها أحب إلى الله من هذه الأيام ـ يعني أيام العشر ـ قالوا: يا رسول الله، ولا الجهاد في سبيل الله؟ قال: ولا الجهاد في سبيل الله، إلا رجل خرج بنفسه وماله ثم لم يرجع من ذلك بشيء) [رواه البخاري].

இந்த பத்து நாட்களைப் பற்றி நபி 

(ஸல்) அவர்கள் இப்படிக் 

கூறினார்கள்: “ஒரு முறை நபி (ஸல்) அவர்கள் தனது தோழர்களோடு பேசிக்கொண்டிருக்கும்போது 

தோழர்களே! இந்த துல்ஹஜ் 

மாதத்தில் முதல் பத்து நாட்களில் 

செய்யும் அமல்களை நேசிப்பது 

போல் அல்லாஹ் வேறு எந்த 

அமல்களையும் நேசிப்பது கிடையாதுஎன்று கூறியவுடன் அங்கிருந்த  நபித்தோழர்கள் அல்லாஹ்வின் துதரே! அல்லாஹ்வின் பாதையில் போராடுவதை விடவும்  அல்லாஹ் நேசிக்கின்றானா? என்று கேட்ட போது, ஆம், என்று கூறி விட்டு

என்றாலும் ஜிஹாதில் தனது 

உயிரையும், தனது பொருளையும் 

அல்லாஹ்வுக்காக அர்ப்பணித்தவர்களைத் தவிர” என்று கூறினார்கள்.    ( நூல்: புகாரி )  

فعن ابن عمر رضي الله عنهما عن النبي صلى الله عليه وسلم قال: (ما من أيام أعظم عند الله ولا أحب إليه العمل فيهن من هذه الأيام العشر، فأكثروا فيهن من التهليل والتكبير والتحميد) [رواه أحمد]..

இப்னு உமர் (ரலி) அவர்கள் அறிவிக்கின்றார்கள்: ”(துல் ஹஜ் மாத முதல்) பத்து நாட்களில் செய்யக்கூடிய நல் அமல்களுக்கு  ஈடாக வேறு எந்த நாட்களில் செய்யும் நல் அமல்களும் அல்லாஹ்வுக்கு  மிகப்பிரியமானவைகளாக இல்லை.

ஆகவே, தஹ்லீல் – லாஇலாஹா இல்லல்லாஹ்,  தக்பீர் –  அல்லாஹ் அக்பர்,  தஹ்மீத் -அல்ஹம்து லில்லாஹ் போன்ற திக்ருகளை அதிகமாக செய்யுங்கள் என நபி (ஸல்) அவர்கள் கூறினார்கள். ( நூல்: அஹ்மத் 5575 )

قال الحافظ ابن حجر في الفتح: والذي يظهر أن السبب في امتياز عشر ذي الحجة لمكان اجتماع أمهات العبادة فيه، وهي الصلاة والصيام والصدقة والحج، ولا يتأتى ذلك في غيره

இப்னு ஹஜர் (ரஹ்) அவர்கள் கூறுகிறார்கள்: ”துல் ஹஜ் மாதத்தின் முதல் பத்து நாட்களின் சிறப்புக்குக் காரணம் இஸ்லாத்தின் அனைத்து முக்கிய வணக்க வழிபாடுகளும் இந்நாட்களில் ஒருங்கே அமைந்திருப்பது தான் காரணமாகும்.

இறைநம்பிக்கை கொண்ட நிலையில் தொழுகை,  நோன்பு,  தர்மம், ஹஜ் ஆகிய யாவும் இந்நாட்களில் நிறை வேற்றப்படுகின்றன! இந்த நிலை வேறு எந்த நாட்களிலும் அமைவதில்லை! எனவே நாம் இந்நாட்களில் பின் வரும் நல்அமல்களில் அதிக கவனம் செலுத்துவது சிறப்பாகும்.   ( நூல்:  ஃபத்ஹுல் பாரி : 2 / 534 )

அமல்களும், கூலிகளும்...

إنَّ العمل الصالح بمعناه الشرعيّْ: "هو كلُّ عملٍ يتقرَّب به الإنسان المسلم إلى الله عزَّ وجلَّ- سواء أكان قولًا أو فعلًا أو نيةً، بالإضافة إلى ترك ونبذ كلِّ ما يبغض الله -عزَّ وجلَّ- أو يغضبه"،[١] وعلى ذلك فإنَّ العمل الصالح على أنواع، 

ஷரீஆவின் பார்வையில் நல் அமல்கள் என்பது ஒரு முஸ்லிமை படைத்த ரப்புல் ஆலமீனான அல்லாஹ்வின் பக்கம் நெருக்கி வைக்கும் மகத்தான சாதனமாகும். 

அந்த நல் அமல் என்பது சொல் செயல் எண்ணம் எதுவாக வேண்டுமானாலும் இருக்கலாம்.

அதே போன்று அல்லாஹ்வின் கோபத்தை ஏற்படுத்துகிற செயலை விட்டும் விலகுவதாகவும் இருக்கலாம்.

மொத்தத்தில் நல் அமல்கள் என்பது பல்வேறு வகையாக இருக்கின்றன. அதற்கு கிடைக்கும் கூலிகளும் பல்வேறு வகைகளாகும்.

حَدَّثَنَا أَحْمَدُ ، نا إِبْرَاهِيمُ بْنُ نَصْرٍ ، نا سَعِيدُ بْنُ سُلَيْمَانَ ، نا يَحْيَى بْنُ الْمُتَوَكِّلِ ، نا عَبْدُ اللَّهِ بْنُ دِينَارٍ ، عَنْ عَبْدِ اللَّهِ بْنِ عُمَرَ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " الأَعْمَالُ عِنْدَ اللَّهِ عَزَّ وَجَلَّ سَبْعَةٌ : عَمَلانِ مُوجِبَانِ وَعَمَلانَ بِأَمْثَالِهِمَا ، وَعَمَلٌ بِعَشْرَةِ أَمْثَالِهِ ، وَعَمَلٌ بِسَبْعِ مِائَةِ ضِعْفٍ ، وَعَمَلٌ لا يَعْلَمُ ثَوَابَ عَامِلِهِ إِلا اللَّهُ عَزَّ وَجَلَّ ، فَأَمَّا الْمُوجِبَانِ ، فَمَنْ لَقِيَ اللَّهَ عَزَّ وَجَلَّ يَعْبُدُهُ مُخْلِصًا لا يُشْرِكُ بِهِ شَيْئًا ، وَجَبَتْ لَهُ الْجَنَّةُ ، وَمَنْ لَقِيَ اللَّهَ قَدْ أَشْرَكَ بِهِ ، وَجَبَتْ لَهُ النَّارُ ، وَمَنْ عَمِلَ سَيِّئَةً جُزِيَ بِمِثْلِهَا ، وَمَنْ أَرَادَ أَنْ يَعْمَلَ حَسَنَةً فَلَمْ يَعْمَلْهَا ، جُزِيَ بِمِثْلِهَا ، وَمَنْ عَمِلَ حَسَنَةً جُزِيَ عَشْرًا ، وَمَنْ أَنْفَقَ مَالَهُ فِي سَبِيلِ اللَّهِ عَزَّ وَجَلَّ ضُوعِفَتْ نَفَقَتُهُ ، الدِّرْهَمُ بِسَبْعِ مِائَةٍ ، وَالدِّينَارُ بِسَبْعِ مِائَةِ دِينَارٍ ، وَالصِّيَامُ لِلَّهِ لا يَعْلَمُ ثَوَابَ عَامِلِهِ إِلا اللَّهُ عَزَّ وَجَلَّ " .

அடியார்கள் செய்கிற அமல்களில் அல்லாஹ்வின் கவனத்தை விரைவாக ஈர்ப்பது ஏழு வகையான அமல்களாகும்.

அதில் இரண்டு அமல்களுக்கு அல்லாஹ் அதன் கூலியை கட்டாயமாக வழங்குகின்றான்.

இரண்டு அமல்களுக்குரிய கூலி அந்த அமல் எத்தகையதோ அத்தகைய கூலி அப்படியே வழங்கப்படும்.

இன்னொரு அமலுக்கு பத்து மடங்கு கூலியும், இன்னும் சில அமலுக்கு 700 மடங்கு கூலியும் வழங்கப்படும்.

இன்னொரு அமலுக்கான கூலி அல்லாஹ்வைத் தவிர வேறு யாரும் அறிய மாட்டார்கள்.

யார் இணை வைக்காத நிலையில் அல்லாஹ்வை நாளை மறுமையில் சந்திக்கிறாரோ அவருக்கு சுவனத்தை வழங்குவதும், யார் இணை வைத்த நிலையில் அல்லாஹ்வை சந்திக்கிறாரோ அவருக்கு நரகம் வழங்குவதும் அல்லாஹ்வின் மீது கட்டாயமாகும்.

எவர் ஒருவர் ஒரு பாவத்தை செய்கிறாரோ அவருக்கு அவர் செய்த அந்த பாவத்துக்கான கூலியும், 

எவர் ஒருவர் ஒரு நல் அமல் செய்ய நினைத்து அந்த அமலை அவர் செய்யவில்லை எனில் அவர் அந்த அமலைச் செய்தததாக கூலி வழங்கப்படும். அவர் அந்த அமலைச் செய்தால் பத்து மடங்கு கூலியும் வழங்கப்படும்.

ஒருவர் அல்லாஹ்வின் பாதையில் ஒரு தீனாரோ அல்லது ஒரு திர்ஹமோ செலவு செய்தால் 700 தீனார், 700 திர்ஹம் செலவு செய்த கூலி வழங்கப்படும்.

அல்லாஹ்வுக்காக ஒருவர் நோன்பு வைக்கிறார் எனில் அதற்கான கூலி என்ன என்பதை  அல்லாஹ்வைத் தவிர வேறு யாரும் அறிய மாட்டார்கள்" என  நபி ஸல் அவர்கள் கூறியதாக இப்னு உமர் ரலி அவர்கள் அறிவிக்கின்றார்கள்.

عن أبي الدرداء:قال عليه الصلاة والسلام: «فضل الصلاة في المسجد الحرام على غيره مائة ألف صلاة وفي مسجدي ألف صلاة وفي مسجد بيت المقدس خمسمائة صلاة» أخرجه البزار- البحر-(4142) قال هذا إسناد حسن.

மஸ்ஜிதுல் ஹாரமில் ஒரு நேர ஃபர்ளை தொழுதால் ஒரு லட்சம் ஃபர்ளுகள்  தொழுத நன்மைகள் கிடைக்கும். 

நாம் வாழ்நாளில் ஒரு லட்சம் ஃபர்ளுகள்  தொழுக ஏறக்குறைய 55 ஆண்டுகள் தேவைப்படும். 

இந்த அடிப்படையில் நாம் மஸ்ஜிதுல் ஹாரமில் ஒரு நாள் ஐவேளை ஃபர்ளு தொழுகைகள் இமாம் ஜமாஅத்துடன் தொழுதால் ஏறக்குறைய 277 ஆண்டுகள் ஃபர்ளு தொழுகைகள் தொழுத நன்மைகள் கிடைக்கும். 

நமது ஆயுளே இதில் நான்கில் ஒரு பகுதி தான். இந்நிலையில் நாம் அதில் 15 நாட்கள் தொழுதால் ஏறக்குறைய 1467 ஆண்டுகள் ஃபர்ளு தொழுகைகள் தொழுத நன்மைகள் கிடைக்கும்.

இந்த சிறப்புகளை அல்லாஹ் வழங்கியதன் காரணமே நாளை மறுமையில் அவனுடைய அடியார்களாகிய நாம் அந்தஸ்துகளாலும் படித்தரங்களாலும் சுவனத்தின் உயர்நிலைகளைப் பெற வேண்டும் என்பதே!

இதே போன்று தான் லைலத்துல் கத்ர் இரவில் வழிபாடுகள் செய்த அடியார்களின் நிலையும்.

துல்ஹஜ் முதல் பத்து நாட்களில் ஸலஃபுகளான மேன்மக்களின் நிலைகள்!

.......................................................

وقال البخاري كان ابن عمر وأبو هريرة رضي الله عنهما يخرجان إلى السوق في أيام العشر يكبران ويكبر الناس بتكبيرها. وقال: وكان عمر يكبر في قبته بمنى فيسمعه أهل المسجد فيكبرون، ويكبر أهل الأسواق حتى ترتج منى تكبيراً. وكان ابن عمر يكبر بمنى تلك الأيام وخلف الصلوات وعلى فراشه، وفي فسطاطه ومجلسه وممشاه تلك الأيام جميعاً

அப்துல்லாஹ் இப்னு உமர் (ரலி), அபூஹுரைரா (ரலி) ஆகிய இரு நபித் தோழர்களும் (துல் ஹஜ்) முதல் பத்து நாட்களிலும் கடை வீதிகளுக்குச் சென்று தக்பீர் கூறுவார்கள் இவ்விருவரும் தக்பீர் கூறுவதை செவியுற்ற மக்களும் தக்பீர் கூறுவார்கள். ( நூல்: புகாரி :  1/ 339 )

உமர் (ரலி) அவர்கள்  மினாவில் தனது கூடாரத்தில் உரத்த குரலில் தக்பீர் சொல்லிக் கொண்டிருப்பார்கள். இதைக் கேட்ட பள்ளிவாசலில் உள்ளவர்களும்,  கடைத்தெருக்களில் உள்ளவர்களும் மினாவே அதிரும் அளவுக்கு தக்பீர் சொல்லுவார்கள்.

இப்னு உமர் (ரலி) அவர்கள் மினாவில் ஒவ்வொரு தொழுகைக்குப் பிறகும்,  கூடாரத்திலும், படுக்கையிலும், மஜ்லிஸிலும், அனைத்து நாட்களிலும் தக்பீர் சொல்லக் கூடியவர்களாக இருந்தார்கள்…. நூல்: புகாரி 4/123.

قال أبو عثمان النهدي كما في لطائف المعارف: "كان السلف ـ يعظّمون ثلاثَ عشرات: العشر الأخير من رمضان، والعشر الأول من ذي الحجة، والعشر الأول من المحرم»

அபூ உஸ்மான் அல் ஹிந்தீ ரஹ் அவர்கள் கூறுகிறார்கள்:

ஸலஃபுகளான மேன்மக்கள் மூன்று பத்து நாட்களை  வணக்க வழிபாடுகளால் கண்ணியப்படுத்துவார்கள்: ரமலானின் கடைசி பத்து நாட்கள், துல்ஹஜ்ஜின் முதல் பத்து நாட்கள், முஹர்ரம் முதல் பத்து நாட்கள் ஆகும்.

وقد روي عن أنس بن مالك رضي الله عنه أنه قال: «كان يقال في أيام العشر: بكل يوم ألف يوم، ويوم عرفة بعشرة آلاف يوم»، يعني في الفضل، 

அனஸ் ரலி அவர்கள் கூறுகிறார்கள்:

துல்ஹஜ் முதல் பத்து நாட்களில் ஒவ்வொரு நாளும் ஆயிரம் நாளுக்கு நிகராகும். அரஃபா நாள் பத்தாயிரம் நாளுக்கு  நிகராகும்!. (சிறப்பால்)

سعيد بن جبير، كان إذا دخلت أيام العشر اجتهد اجتهاداً شديداً حتى ما يكاد يقدر عليه, وكان الحافظ ابن عساكر يعتكف في شهر رمضان، وعشر ذي الحجة.

لطائف المعارف ص:263

 تذكرة الحفاظ 4/ 1332

ஸயீத் இப்னு ஜுபைர் ரஹ் அவர்கள் துல்ஹஜ் உடைய முதல் பத்து நாட்களில் அதிகமாக வணக்க வழிபாடுகளில் ஈடுபடுவார்கள். சில போது அவர்கள் வழிபாடுகளில் ஈடுபடும் அளவிற்கான உடல் வலுவை இழந்து விடுவார்கள். 

இமாம் இப்னு அஸாக்கிர் ரஹ் அவர்கள் ரமழான் மாதத்தில் கடைசி பத்து நாட்களில் இஃதிகாஃப் இருப்பது போல் துல்ஹஜ் முதல் பத்து நாட்களிலும் இஃதிகாஃப் இருப்பார்கள். ( நூல்: )

وكان أئمة التابعين من أمثال محمد بن سيرين ومجاهد وعيسى بن علي بن عبد الله بن عباس يصومون العشر كله،  وآكد الصيام صوم يوم عرفة، لذا ترى سعيد بن جبير يقول:” أيقظوا خدمكم يتسحرون لصوم يوم عرفة”

[سير أعلام النبلاء 4/ 326] 

தாபியீன்களில் இப்னு ஸீரீன் ரஹ் முஜாஹித் ரஹ் ஈஸா இப்னு அலீ இப்னு அப்துல்லாஹ் இப்னு அப்பாஸ் ரஹ் ஆகியோர் துல்ஹஜ் அரஃபா வரை நோன்பு நோற்கக் கூடியவர்களாக இருந்தார்கள். மேலும் ஸயீத் இப்னு ஜுபைர் ரஹ் அவர்கள் இப்படி சொல்வார்கள்" அரஃபா நோன்புக்காக உங்கள் பணியாளர்களை எழுப்பி விடுங்கள்! அவர்கள் ஸஹர் செய்து அரஃபா நோன்பு நோற்பதற்காக! 

يجعل ابن عمر رضي الله عنهما يقول: عمرة في العشر الأول من ذي الحجة أحب إليَّ من أن أعتمر في العشر البواقي”.

وعن أبي معن قال: رأيت جابر بن زيد وأبا العالية اعتمرا في العشر”

[مصنف ابن أبي شيبة 3 / 160]

இப்னு உமர் ரலி அவர்கள் துல்ஹஜ் முதல் பத்து நாட்களில் உம்ரா செய்வதை அதிகம் விரும்புவார்கள். துல்ஹஜ் உடைய மற்ற நாட்களில் செய்யும் உம்ராவை விட.!

அபீ மஅன் ரஹ் அவர்கள் கூறுகிறார்கள்: ஜாபிர் இப்னு ஸைத் ரஹ், அபுல் ஆலியா ரஹ் ஆகியோர் துல்ஹஜ் முதல் பத்து நாட்களில் உம்ரா செய்வதை நான் பார்த்தேன்.

قال الحافظُ ابنُ رجب رحمه الله:  فرَضَ على المستطيعِ الحجَّ مرةً واحدةً في عُمرِه، وجعلَ موسمَ العشرِ مشتركًا بين السائرينَ والقاعدينَ، فمَن عجزَ عن الحجِّ في عامٍ، قَدَرَ في العشرِ على عملٍ يعملُه في بيتِه يكونُ أفضلَ مِن الجهادِ الذي هو أفضلُ مِن الحجِّ.

[لطائف المعارف لابن رجب، ص: 272]

இப்னு ரஜப் ஹம்பலீ ரஹ் அவர்கள் கூறுகிறார்கள்:  அல்லாஹ் ரப்புல் ஆலமீன் வசதி படைத்தவர்கள் வாழ்நாளில் ஒரு முறை ஹஜ் செய்வதை கடமையாக்கினான். ஒவ்வொரு ஆண்டும் ஹஜ் செய்ய இயலாதவர்கள் மற்றும் ஹஜ் செய்ய வசதி இல்லாதோர் ஆகியோருக்காக துல்ஹஜ் முதல் பத்து நாட்களை அமல் செய்யும் அபரிமிதமான நாட்களாக ஆக்கியிருக்கிறான். எவருக்கு தன் வீட்டில் இருந்த படியே இந்த நாட்களில் அமல் செய்யும் பாக்கியம் கிடைக்கிறதோ அவருக்கு அது ஜிஹாதை விட , ஹஜ்ஜை விட  மிகச் சிறந்ததாகும்.

وَسُئِلَ ابنُ تيمية: عَنْ عَشْرِ ذِي الحِجَّةِ والعَشْرِ الأَوَاخِرِ مِنْ رمَضَانَ، أيُّهُمَا أَفْضَلُ؟

فأَجَابَ: أَيَّامُ عَشْرِ ذِي الحِجَّةِ أفْضَلُ مِنْ أيَّامِ العَشْرِ مِنْ رمَضَانَ، واللَّيَالي الْعَشْرُ الأَوَاخِرُ مِنْ رمَضَانَ أَفْضَلُ مِنْ لَيَالي عَشْرِ ذِي الحِجَّةِ

இப்னு தைமிய்யா அவர்களிடம் துல்ஹஜ் முதல் பத்து நாட்கள் சிறந்ததா? ரமலான் கடைசி பத்து நாட்கள் சிறந்ததா? எனக் கேட்டதற்கு துல்ஹஜ்ஜின் முதல் பத்து நாட்கள் தான் சிறந்தது என பதிலளித்தார்கள். துல்ஹஜ் முதல் பத்து நாட்களின் இரவுகள் சிறந்ததா? ரமலான் கடைசி பத்து நாட்களின் இரவுகள் சிறந்ததா? எனக் கேட்டதற்கு ரமலான் கடைசி பத்து நாட்களின் இரவுகள் சிறந்தது என பதிலளித்தார்கள்.

لَيَالي عَشْرِ رمَضَانَ فَهِيَ لَيَالي الإحْياءِ التي كانَ رسولُ اللهِ صلَّى اللهُ عليهِ وسلَّمَ يُحْييهَا كُلَّهَا، وفِيهَا لَيْلَةٌ خَيْرٌ مِنْ أَلْفِ شَهْرٍ،

இப்னுல் கைய்யிம் ரஹ் அவர்கள் இந்த விஷயத்தில் கூடுதலாக ஒரு விளக்கத்தை தருகிறார்கள்: ரமலானின் கடைசி இரவுகள் முழுவதிலும் மாநபி ஸல் அவர்கள் விழித்திருந்து வழிபாடுகளில் ஈடுபட்டார்கள்.

எனவே, மேற்கூறிய குர்ஆன் 

வசனத்தின் மூலமும், ஹதீஸின்  மூலமும், நபித்தோழர்கள், இமாம்கள் ஆகியோருடைய விளக்கங்களின் மூலமும்  துல்ஹஜ் மாதத்தின் முதல் பத்து நாட்கள் மிகவும் 

சிறப்புக்குரியது. அந்த நாட்களில்  அமல்கள் செய்வதை சரியாக  அமைத்துக்கொள்ள வேண்டும்  என்பதை விளங்கிக் கொள்ள  முடிகின்றது.

இந்த முதல் பத்து நாட்களும்  சிறப்புக்குரியவை என்று  சிறப்பித்துக் கூறிய நபி (ஸல்)  அவர்கள் இந்த நாட்களில் செய்வதற்கென்று விசேஷமாக எந்த அமல்களையும் சுட்டிக்காட்டியதாக ஹதீஸ்களில் கிடையாது.

விசேஷமான அமல்கள் இல்லா  விட்டாலும் வழமையாக நாம் செய்து வரும் அமல்களை பூரணமாகவும்,  சரியாகவும் செய்து வர முயற்சி  செய்ய வேண்டும்.

பர்ளான தொழுகைகளை  ஜமாஅத்தோடு தொழுது வருவது.  பர்ளுடைய முன்-பின்  ஸுன்னதுக்களை பேணித்  தொழுது வருவது, தொழுகைக்குப்  பின் ஓதக் கூடிய அவ்ராதுகளை  சரியாகத் தொடராக ஓதி வருவது,  காலை-மாலை நேரங்களிலும், ஓய்வு கிடைக்கும் போதும் குர்ஆனை ஓதிக் கொள்வது நபி (ஸல்) அவர்களின்  மீது ஸலவாத்துகளை ஓதிக்  கொள்வது, தான தர்மங்கள் செய்வது, ஏழைக்கு உணவளிப்பது, நோயாளிகளை நலம் விசாரிக்கச் செல்வது இன்னும்,  குறிப்பாக  இந்த பத்து நாட்களிலும் பாவமான சிந்தனைகளை, செயல்பாடுகளை  விட்டும் தூரமாகி நல்லறங்கள், வணக்க, வழிபாடுகள்  செய்வதில்  அதிக முனைப்பு காட்ட வேண்டும்.

மேலும், அரஃபா நாளன்று (துல்ஹஜ் பிறை 9 அன்று) நோன்பு வைப்பது நபி (ஸல்) அவர்கள் கற்றுத் தந்த அழகிய நடைமுறையாகும்.

ஆயிஷா (ரலி) அறிவிக்கின்றார்கள்:- ”அல்லாஹ் நரகிலிருந்து தனது அடியார்களை அதிகமாக விடுதலை செய்யும் நாள் அரஃபா நாளாகும்.இதைத் தவிர வேறு எந்த நாட்களிலும் இவ்வாறு விடுதலை செய்வதில்லை. அல்லாஹ் அந்நாளில் இறங்கி வந்து, இவர்கள் என்ன விரும்புகின்றனர்? என்று தனது வானவர்களிடம் பெருமையாகக் கேட்பான்” என்று நபி {ஸல்} கூறினார்கள்.        ( நூல்: முஸ்லிம் )

                فقال

الرسول صلى الله عليه وسلم

 (صيامُ يومِ عرفةَ، أَحتسبُ على اللهِ أن يُكفِّرَ السنةَ التي قبلَه. والسنةَ التي بعده) [رواه مسلم

அபூ கத்தாதா (ரலி) அறிவிக்கின்றார்கள்:- அரஃபா நாளன்று நோன்பு வைப்பவருக்கு அந்நாளுக்கு முன் வருட பாவங்களையும், பின் வருட பாவங்களையும் அல்லாஹ் மன்னிப்பான் என்று நம்பிக்கை கொள்கிறேன்” என நபி {ஸல்} அவர்கள் கூறினார்கள்.   ( நூல் : முஸ்லிம் )

இது போன்ற சிறப்பு சலுகைகள் மற்றும் தினங்கள் என்பது அல்லாஹ் அடியார்களின் மீது பொழிகிற அளப்பெரும் அன்புக்கு சான்றாகும்.

இது போன்ற வாய்ப்புகளைப் பயன்படுத்தி வணக்க வழிபாடுகளில் ஈடுபட்டு நம் ஈமானையும், இறை நெருக்கத்தையும் வலுப்படுத்திக் கொள்ள வேண்டும்.

அல்லாஹ் ரப்புல் ஆலமீன் துல்ஹஜ் மாதத்தின் முதல் பத்து நாட்களை அமல்களால் அலங்கரிக்கும் நஸீபை தந்தருள்வானாக!! 

ஆமீன் ஆமீன் யாரப்பல் ஆலமீன்!! வஸ்ஸலாம்!!!

மஸாபீஹுல் மிஹ்ராப்

மௌலவி பஷீர் அஹமது உஸ்மானி.

29/06/2022, நேரம்: வியாழன் இரவு: 07:15.