பொல்லாத ஃபாசிஸமும்… பொருந்தாத பொது சிவில் சட்டமும்..

 

பொல்லாத  ஃபாசிஸமும்… பொருந்தாத  பொது சிவில் சட்டமும்..

பொது சிவில் சட்டத்தைக் கொண்டு வருவது தொடர்பாக பொதுமக்கள், மத அமைப்புகள் தம் கருத்துகளைத் தெரிவிக்கலாம் என்று 22வது சட்ட ஆணையம் அறிவித்துள்ளது.

கடந்த இரண்டு மக்களவைத் தேர்தல்களின் போது பாஜக தேர்தல் அறிக்கைகளில் காஷ்மீருக்கு வழங்கப்பட்ட சிறப்பு அந்தஸ்து நீக்கம், அயோத்தியில் ராமர்கோயில் கட்டுவது மற்றும் பொது சிவில் சட்டம் ஆகியவை இடம்பெற்றன. இவற்றில் பொது சிவில் சட்டம் மட்டுமே தற்போது பாக்கி உள்ளது. இதையும் 2024 மக்களவை தேர்தலுக்கு முன்பு அமல்படுத்த அல்லது அதற்கான முயற்சிகளில் பாஜக அரசு தீவிரம் காட்டி வருகிறது.

இந்நிலையில் 22வது சட்ட கமிஷன் புதன்கிழமை (14.06.2023) அன்று வெளியிட்ட அறிக்கையில், பொது சிவில் சட்டம் தொடர்பாக பொதுமக்கள், மத அமைப்புகள் கருத்துகள் தெரிவிக்கலாம் என்று கூறியுள்ளது.

ஏற்கெனவே கருத்துக் கேட்பு நடந்து 3 ஆண்டுகள் நிறைவடைந்த நிலையில் புதிதாக கருத்துகள் கேட்கப்படுவதாகக் கூறப்பட்டுள்ளது.

இந்தியா, இன்று உலகளவில் பலம் பொருந்திய நாடாகப் பார்க்கப்படுகிறது.

இந்தியாவில் இந்துக்களுக்குத் தனியாகக் குடும்பவியல் சட்டம் இருக்கிறது. இந்துச் சமூகத்தின் பல்வேறு பிரிவுகளுக்குத் திருமண வாரிசு, சடங்கு எனப் பல்வேறு அம்சங்களில் பெரியளவில் முரண்பாடு உள்ளது. 

மலைவாழ் மக்களின் பழக்க-வழக்கம் என 400-க்கும் மேற்பட்ட இந்துத் தனியார் சட்டங்கள் உள்ளன. 

இந்தியாவின் பெருமைகளில் ஒன்றாகக் கருதப்படும் கூட்டுக் குடும்பத்தினால், இந்துக்களுக்கு இருக்கும் சலுகைகள் பற்றிச் சொல்லப்படுவது - இந்துக்கள் கூட்டுக் குடும்பமாக வாழ்ந்தால், அவர்களுக்கு வருமான வரியில் விலக்கு உண்டு.

சீக்கியர்களின் மத உணர்வுகளை மதிக்கும் வகையில், அவர்களுக்குச் சிறப்புச் சலுகையாக ‘ஹெல்மெட்’ அணியாமல், தலையில் ‘டர்பன்’ கட்டிக்கொண்டு, இருசக்கர வாகனம் ஓட்டவும் கத்தி வைத்துக் கொள்வதற்கும் அனுமதி உள்ளது.

இத்தனை முரண்களையும் கடந்து, ஒற்றுமையாக இருப்பதற்கு இந்த தேசத்தில் தேவை இணக்கமே  தவிர பொதுவாக்குதல் (uniformity) அல்ல.

பொது சிவில் சட்டம் துவக்கப் புள்ளி...

சுதந்திரத்துக்கான சட்டரீதியிலான ஏற்பாடுகள் 1947 ஆகஸ்ட்டுக்குப் பல மாதங்கள் முன்பே தொடங்கின. அரசமைப்பை உருவாக்கும் பணியில் சட்ட வல்லுநர்கள் அடங்கிய குழு ஈடுபடுத்தப்பட்டது. அந்த வகையில், 1947 மார்ச் 28 அன்று, அடிப்படை உரிமைகள் பற்றி ஆராய்வதற்காகத் துணைக் குழு ஒன்று அமைக்கப்பட்டது.

அதன் உறுப்பினர்களில் ஒருவரான எம்.ஆர்.மசானி, திடுமெனப் பொது சிவில் சட்டம் பற்றிய ஒரு முன்மொழிவைக் கொண்டுவந்தார். மற்ற உறுப்பினர்கள் இதைக் கடுமையாக எதிர்த்தனர். அதனால் மசானியின் கோரிக்கை கைவிடப்பட்டது. 1947 மார்ச் 30 அன்று, மீண்டும் இது குறித்து விவாதிக்கப்பட்டது. அதன்பின், பிரிவு 36 முதல் 51 வரையிலான அரசமைப்பின் வழிகாட்டும் நெறிமுறைகளில் ஒன்றாக வேண்டுமானால், பொது சிவில் சட்டம் என்கிற கருத்தை வைத்துக்கொள்ளலாம் என முடிவெடுக்கப்பட்டது.

அரசியல் சட்டத்தின் மூன்றாம் பாகமான அடிப்படை உரிமைகள் என்ற தலைப்பில் இடம் பெற்றிருக்க வேண்டிய இந்த கோட்பாடு, துணைக் குழுவில் ஒரு ஓட்டு வித்தியாசத்தில் தோற்றுப் போனதால் வழிகாட்டும் நெறிமுறைகள் என்ற நான்காம் பா

வழிகாட்டும் நெறிமுறை 36-51:-

பதினான்கு வயதுவரை அனைவருக்கும் இலவசக் கல்வி, ஆண்-பெண் இருபாலருக்கும் சமமான வேலைவாய்ப்பு-ஊதியம், நாடு முழுவதும் மதுவிலக்கை அமல்படுத்துதல் ஆகியவையும் அரசமைப்பின் வழிகாட்டும் நெறிமுறைகளில் கூறப்பட்டுள்ளன.

பொது சிவில் சட்டம் என்றால் என்ன?..

குற்றவியல் நடவடிக்கைக்கான சட்டத்தைப் பொறுத்தவரை, இந்தியா முழுக்க அனைவருக்கும் ஒன்றுதான். அதாவது கொலை, கொள்ளை போன்ற குற்றவியல் சம்பவங்களில் யார் ஈடுபட்டாலும் ஒரே தண்டனை தான். ஆனால், சிவில் சட்டங்களைப் பொறுத்தவரை, அப்படியில்லை. திருமணம், விவாகரத்து உள்ளிட்ட விஷயங்களுக்கு பல்வேறு மதங்களுக்கு பல்வேறு சட்டங்கள் பின்பற்றப்படுகின்றன. அதாவது, தனிநபர்களுக்கான சிவில் சட்டம் மதங்களுக்கு மதம் மாறுபடும். இப்படி இந்தியாவில் உள்ள, பல்வேறு சிவில் சட்டங்களை நீக்கி, அனைத்து தரப்பினருக்கும் ஒரே சிவில் சட்டத்தைக் கொண்டு வர வேண்டும் என பாஜக உள்ளிட்ட தரப்பினர் கோரிக்கை விடுத்து வருகின்றனர். மேலும் , அவர்களின் தேர்தல் வாக்குறுதிகளில், கட்சியின் அஜெண்டாவில் ஒன்றாகவும் இது இருக்கிறது.

இருப்பினும், பல்வேறு மதங்களை உள்ளடக்கிய இந்தியா போன்ற நாட்டில் பொது சிவில் சட்டம் என்பது சரியாக இருக்காது என எதிர்க்கட்சிகள் தொடர்ந்து கூறி வருகின்றனர்.

இந்நிலையில், இந்நிலையில், கடந்த ஆண்டு டிசம்பர் 2022 -ல் இந்திய நாடாளுமன்றத்தில் நடைபெற்று வரும் குளிர்கால கூட்டத்தொடரில், பாஜக எம்பி கிரோடி லால் மீனா, மாநிலங்களவையில் பொது சிவில் சட்டம் தொடர்பாக தனிநபர் மசோதாவை அறிமுகம் செய்தார். நாடு முழுவதும் செயல்படுத்தும் வகையில் ஒரு பொது சிவில் சட்டத்தை உருவாக்க ஒரு குழுவை அமைக்க வேண்டும் என இந்த மசோதாவில் அவர் வலியுறுத்தியுள்ளார்.

எதிர் கட்சிகளின் நிலை என்ன?

எதிர்க்கட்சி எம்.பி.க்கள் இதற்கு கடும் எதிர்ப்பு தெரிவித்தனர். பொது சிவில் சட்டம் நாட்டை சிதைக்கும் என்றும் நாட்டின் பன்முக கலாசாரத்தை பாதிக்கும் என்றும் கூறி இந்த மசோதாவுக்கு எதிர்ப்பு தெரிவித்த எதிர்க்கட்சி எம்.பி-க்கள், இதுபோன்ற ஒரு சட்டத்தை பல்வேறு சமூகங்களின் ஆலோசனை இல்லாமல் கொண்டு வரக் கூடாது என்றும் கூறினர். சட்ட கமிஷன் அறிக்கையைக் குறிப்பிட்டு பேசிய சிபிஎம் எம்பி ஜான் பிரிட்டாஸ், நாட்டில் பொது சிவில் சட்டம் தேவையில்லை என்றும் அது விரும்பத்தக்கது இல்லை என்றும் தெரிவித்தார்.

இதையடுத்து, எம்.பி கிரோடி லால் மீனா இந்த தனிநபர் மசோதாவை தாக்கல் செய்ய அனுமதிக்கலாமா?  என்று மாநிலங்களவையில் வாக்கெடுப்பு நடத்தப்பட்டது. 

அந்த நேரத்தில் நிறைய எதிர்க்கட்சி எம்.பி.க்கள் அவையில் இல்லை. வாக்கெடுப்பில் மசோதாவை தாக்கல் செய்வதற்கு ஆதரவாக 63 வாக்குகளும், எதிராக 23 வாக்குகளும் பதிவாயின. இதையடுத்து மசோதா தாக்கல் செய்யப்பட்டது

நாட்டின் முக்கியத்துவம் வாய்ந்த ஒரு மசோதா நிறைவேற்றப்படும் போது அவையில் இருந்த உறுப்பினர்கள் எண்ணிக்கை வெறும் 86 என்றால் நாட்டின் நாட்டு மக்களின் பாராளுமன்ற உறுப்பினர்களை என்னவென்று சொல்வது?

குறுகிய எண்ணிக்கையிலான உறுப்பினர்களை வைத்துக் கொண்டு அவசர அவசரமாக அப்படி இந்த மசோதாவை நிறைவேற்ற மத்திய அரசுக்கும் தான் என்ன அவசரம் என்று தெரியவில்லை.

முஸ்லிம் தனிநபர் சட்டம்: திருக்குர்-ஆன், அதற்கு விளக்கமாக நபிகள் நாயகம் கூறிய பொன்மொழிகளின் அடிப்படையில் பெறப்பட்டதே ‘ஷரியத்’ சட்டம். இச்சட்டத்தைப் பின்பற்றுவது முஸ்லிம்களின் மத நம்பிக்கையில் ஒன்று. இந்தியாவில் இது ‘முஸ்லிம் தனிநபர் சட்டம்’ என்கிற பெயரில் 1937இல் இயற்றப்பட்டது. முஸ்லிம் தனிநபர்கள், அவர்கள் குடும்பம் பற்றிய அக்கறை, முஸ்லிம் சமூகம் சார்ந்த திருமணம், மணமுறிவு, வாரிசு, வக்பு உள்ளிட்ட தொண்டு நிறுவனங்களைக் கையாள்வது ஆகிய நான்கு விவகாரங்களுக்கு மட்டுமே இச்சட்டம் பொருந்தும்.

அவர்களுக்கு வந்தால் ரத்தம் சிறுபான்மையினருக்கு வந்தால் தக்காளி சட்னியா?

பொது சிவில் சட்டம் கொண்டு வந்து சிறுபான்மையினர் உரிமைகளை, சலுகைகளை நசுக்கிட துடிக்கும் இன்றைய பாஜகவின் முன்னோடிகளான இந்துமகா சபையினர் "இந்துக்கள் அனைவருக்கும் ஒரே சட்டம்" கொண்டு வர வேண்டும் என்று முதல் பிரதமர் நேருவும் சட்ட மேதை அம்பேத்கரும் முயற்சி செய்த போது என்ன செய்தார்கள் தெரியுமா?

சுதந்திர இந்தியாவின் முதல் பிரதமரான நேரு, நாடு முழுவதும் இந்துக்களுக்கு ஒரு பொதுவான சிவில் சட்டத்தைக் கொண்டுவர இந்து தனிநபர் சட்டங் களை தொகுக்க அம்பேத்கர் தலைமையில் ஒரு குழு அமைத்தார். பெண்களுக்கு சம உரிமை, சொத் துரிமை, விவாகரத்து உரிமை வழங்க வேண்டு மென்பதில் அம்பேத்கருடன் நேருவும் ஒத்த கருத்து கொண்டிருந்தார். அத்தகைய கருத்துகளையொட்டி அம்பேத்கர் முயன்று உருவாக்கிய மசோதா இந்து பழமைவாதிகளிடமும், இந்து மகா சபையினரிடமும் (இன்றைய பிஜேபியின் முன்னோடி) கடுமையான கண்டனத்தை சந்தித்தது. அன்றைய குடியரசுத் தலைவராக இருந்த இராஜேந்திர பிரசாத் இந்த மசோதா இந்து பாரம்பரியத்துக்கு எதிரானது என்றும், ஒவ்வொரு இந்து குடும்பத்தையும் பாதிக்கும் என்று கூறியதோடு, மசோதா நிறைவேறினாலும் சட்ட அங்கீகாரம் பெற தன்னுடைய கையெழுத்து கிடைக்காது என்பதையும் உணர்த்திவிட்டார். பெண்களைத் தவிர பெரும்பாலான காங்கிரஸ்உறுப்பினர்களும், எதிர்ப்பாக இருந்தனர். எனவே எவ்வித விளக்கமுமின்றி மசோதா கைவிடப் பட்டது. இதை எதிர்த்து சட்ட அமைச்சராக இருந்த அம்பேத்கர், தன் பதவியை ராஜினாமா செய்தார். மசோதாவை எதிர்க்க வேண்டுமென்று காங்கிரஸ்கட்சியின் தலைமைக் கொறடா உத்தரவு பிறப்பித்தார். அதை ஏற்றுக் கொண்டார். நேரு, விசுவாசமில்லாத தலைமைக் கொறடாவுக்கு விசுவாசமான பிரதமர் என காட்டமாக அம்பேத்கர் விமர்சித்தார்.

முஸ்லீம் சமூகத்திற்கு முஸ்லீம் தனி நபர் சட்டமும், சீக்கியர்களுக்கு கிரந்தசாகிபும், கிருத்துவர்களுக்கு பைபிளும், பார்சிகளுக்கு ஜெண்ட் அவெஸ்தாவுமே தனிநபர் சட்டங் களுக்கு அடிப்படையாக இருந்தன.

பொது சிவில் சட்டம் அமுலுக்கு கொண்டு வர நெருக்கடி தந்த நீதிமன்ற தீர்ப்புகள்...

1985க்குப் பிறகு வந்த உச்சநீதிமன்றத்தின் தீர்ப்பு களில் பொது சிவில் சட்டம் கொண்டு வருவதன் தேவையை மத்திய அரசுக்கு அறிவுறுத்தியது. ஷரியத் சட்டத்தையொட்டி இந்த தீர்ப்புகள் வழங்கப் பட்டதால் முசுலீம் சமூகம் நெருக்கடிக்கு ஆளானது. பிரசித்தி பெற்ற ஷாபானு வழக்கு விவாகரத்து பெற்ற முசுலீம் பெண்கள் ஜீவனாம்சம் குறித்ததாகும். 73 வயதான ஷாபானு திருமணமாகி 40 வருடங்கள் கழித்து, ஷரியத் சட்டப்படி மும்முறை தலாக் சொல்லப்பட்டு விவாகரத்தானவர். அவருக்கு சட்டப்படி இத்தா காலமான மூன்று மாதத்திற்கு மட்டும் ஜீவனாம்சம் தரப்பட்டது. தனது எஞ்சிய ஆயுட்காலத்திற்கு வேறு ஆதரவில்லையென்பதால் குற்றவியல் சட்டம் பிரிவு 125இன்படி தனக்கு ஜீவனாம்சம் வழங்க நீதிமன்றத்தில் வழக்கு தொடுத்தார். உச்சநீதிமன்றம் அவரது வாதத்தை ஏற்றுக் கொண்டு ஜீவனாம்சத்தை அவரது முன்னாள் கணவர் தர வேண்டுமென தீர்ப்பு தந்தது. ஷரியத் சட்டத்துக்கு எதிரானது என்று கூறி, முசுலீம் சமூகம் நாடு முழுவதும் கடுங்கண்டனத்தையும், போராட் டத்தையும் நடத்தியது. எனவே பிரதமராகவிருந்த ராஜீவ் காந்தி 1986இல் முசுலீம் பெண்கள் (விவகாரத்து பாதுகாப்பு) சட்டம் என்ற ஒன்றைக் கொண்டு வந்தார். 

இதன்படி விவாகரத்தான முசுலீம் பெண்ணுக்கு அவருடைய சொத்தை யார் அடைவதற்கு உரிமை பெற்றிருக்கிறார்களோ அவர்கள் தரவேண்டும் அல்லது சொத்து ஏதுமின்றி ஆதரவற்று இருந்தால் வக்ப் போர்டு பராமரிப்புக்கான தொகையை வழங்க வேண்டும். இதன் மூலம் இத்தா காலத்திற்குப் பிறகு ஜீவானாம்சம் தரும் பொறுப்பிலிருந்து கணவர் விடுவிக்கப்பட்டதோடு ஷரியத் சட்ட அம்சமும் பாதுகாக்கப்பட்டது. 

எனினும் ஷாபானு வழக்கு தொடர்பான தீர்ப்பில் பாலின சமத்துவத்தை வலியுறுத்திய அம்சம் கணக்கில் கொள்ளப்படவில்லை. எனவே சட்டத்தின் முன் பாலின வித்தியாசமின்றி அனைவரும் சமம் என்ற கோட்பாடு மீறப்பட்டுள்ளதாக விமர்சனமும் எழுந்தது. இந்தப் பிரச்சினையில் ஒரு இந்துப் பெண்ணுக்கு கிடைக்கும் சலுகை முசுலீம் பெண்ணுக்கு மறுக்கப்படுவதாக பெண்களின் அமைப்புகள் எதிர்ப்பை முழங்கின.

அதேபோன்று 1995இல் சரளா முட்கல் எதிர் இந்திய ஒன்றியம் வழக்கில் உச்சநீதிமன்ற நீதிபதி சகாய் இரண்டாம் திருமணம் செய்ய வேண்டுமென்பதற்காக முசுலீமாக மதம் மாறி திருமணம் செய்வது குற்றவியல் சட்டப்படி செல்லத்தக்கதல்ல என்று தீர்ப்பு வழங்கினார். இந்து திருமண சட்டம் ஒருதார மணத்தை வலியுறுத்துவதால் இரண்டாவது திருமணம் செய்து கொள்ள மதம் மாறுவதைத் தடுக்க வேண்டுமானால், ஒரு பொது சிவில் சட்டம் மத்திய அரசு நிறைவேற்றுவது அவசியம் என்று தீர்ப்பில் குறிப்பிட்டார். வேறு சில தீர்ப்புகளும் இதே காலத்தில் ஷரியத் சட்டத்திற்கு நெருக்கடி கொடுக்கும் வகையில் வந்தன. வலதுசாரி இந்து பழமைவாதி களுக்கு பொது சிவில் சட்டம் கொண்டு வரவேண்டு மென்ற அவர்களின் வாதத்துக்கு இந்த தீர்ப்புகள் வலுசேர்த்தது. மேலும் பெண்கள் அமைப்புகளும், முற்போக்கு எண்ணம் கொண்டவர்களும் டூனிசீயா, துருக்கி போன்ற முசுலீம் நாடுகளில் பலதார மணத்திற்கு தடை விதிக்கப்பட்டிருப்பதையும், பாகிஸ்தான், சிங்கப்பூர், சவுத் யேமன் போன்ற நாடுகளில் ஷரியத் சட்டத்தில் மாற்றம் கொண்டு வந்திருப்பதையும் சுட்டிக்காட்டி ஷரியத் சட்டத்தில் தகுந்த மாற்றங்கள் கொண்டுவர முசுலீம் சமூகத் தினரை வற்புறுத்தினர்.

இந்து பழமைவாதிகளும் சங்பரிவாரங்களும் பாரம்பரியமிக்க இந்து தனிநபர் சட்டத்தின் அடிப்படையிலேயே பொது சிவில் சட்டம் கொண்டுவர வேண்டுமென்று வலியுறுத்தியது, முசுலீம்கள் மத்தியில் ஒரு பாதுகாப்பற்ற உணர்வை ஏற்படுத்துகிறது. 

அரசியல் சாசனத்தை மறந்த பாசிஸம்...

இந்திய அரசியல் சாசனம் பிரிவு 25-ல், “எல்லாக் குடிமக்களும் மனசாட்சி சுதந்திரத்திற்குச் சமமான உரிமை பெற்றவர்கள். தனக்கு விருப்பமான மதத்தில் நம்பிக்கை கொண்டு, அதனை ஏற்றுக்கொண்டு அமல் செய்யவும், அதனைப் பிரச்சாரம் செய்யவும் எல்லாக் குடிமக்களுக்கும் உரிமை உண்டு.” எனக் கூறுகிறது. இதன்படி, எந்த ஒரு மதத்தினர் மீதும் யாரும் அவரவர்களுடைய மதச்சட்டங்களையோ, நடைமுறைகளையோ கைவிடும்படி எந்தவிதத்திலும் நிர்ப்பந்திக்க முடியாது.

அப்படித் திணிக்கும் பட்சத்தில் அது இந்தியாவில் சிறுபான்மையினர்கள் தன் உரிமைகளை நிலைநாட்டிக்கொள்வதற்கான உரிமைப்புரட்சி வெடிக்கக் காரணமாகிவிடும். இந்த உண்மையை சங்பரிவார்களின் தலைமையே ஒருமுறை ஒப்புக்கொண்டதுதான் சிறப்பு.

MOTHER LAND என்ற பத்திரிக்கையில் 21/08/1972 அன்று வெளியான ஒரு செய்தியில், “ஆர்.எஸ்.எஸ் தலைவரான குரு கோல்வால்கர், 1972 ஆகஸ்ட் 20-ல் தீனதயாள் உபாத்யாயா ஆராய்ச்சிக்கழகத்தைத் துவக்கி வைத்துப் பேசியபோது,’பாரதத்தில் தேசிய ஒற்றுமையை உருவாக்கப் பொது சிவில் சட்டம்தான் கருவியாகும் என்று சொல்வது தவறு; இயற்கைக்கு விரோதமானது; விபரீத விளைவுகள் உண்டாக்கக் கூடியது.’ என்று அறிவுறுத்தி இருக்கிறார்” என்று தெரிவிக்கிறது.

ஆனால், தன் தலைமையின் கருத்தையே புறக்கணித்து விட்டு இன்று பொது சிவில் சட்டம் வேண்டும் என்று ஓலமிடுகிறது சங்பரிவார் கும்பல்.

இந்நாட்டின் சிறுபான்மையினர்கள் எவ்விதத்திலும் தங்கள் மத சுதந்திரத்தை இழந்து விடக்கூடாது என்பதைக் கருத்திற்கொண்டே, அரசியல் சாசனத்தை வகுத்தளித்த சிந்தனையாளர்கள் சாசனத்தின் 25-வது பிரிவை ஏற்படுத்தி வைத்தார்கள்.

பொது சிவில் சட்டத்தைப் பாராளுமன்றம் அங்கீகரிக்க முயன்றால் அது பாராளுமன்றத்தில் பெரும்பான்மையாக உள்ள இந்துக்களின் சட்டங்களுக்கும் எதிராகவும் அமையும். அவ்வாறாகும் பட்சத்தில் அதை பொது சிவில் சட்டம் (COMMON CIVIL CODE)  என்று அழைப்பதே பொருத்தமாயிருக்காது.

இந்தியாவில் முஸ்லிம் தனியார் சட்டம் எப்போது? எப்படி? அறிமுகம் செய்யப்பட்டது..

மொகலாயர்கள் காலத்தில் இஸ்லாமியச் சட்டம் தான் நாட்டினுடைய சட்டமாக இருந்து வந்தது.

சிவில் சட்டம் மட்டுமல்ல, குற்றவியல் சட்டமும் இஸ்லாமிய சட்டத்தில் இருந்தே பெறப்பட்டன.

தங்கள் திருமணம், வாரிசுரிமை, சொத்து ஆகியவை சம்பந்தமாய் தங்களுடைய மதங்களின் சட்டப்பிரகாரமும், சம்பிரதாயப் பிரகாரமும் நடந்து கொள்ள முஸ்லிம் அல்லாதோருக்கு முழு உரிமை வழங்கப்பட்டிருந்தது.

அப்போதிருந்த நீதிமன்றங்களும் இச்சட்டங்களின் அடிப்படையில் தான் நீதி வழங்கி வந்தன.

1765 –ஆம் ஆண்டில் ஆங்கிலேயர்கள் இந்தியாவிற்குள் அடியெடுத்து வைத்த பின்னரும் கூட இந்த நிலை தொடர்ந்தது. பிற்காலத்தில் படிப்படியாக ஆங்கிலச் சட்டங்களை ஆங்கிலேயர்கள் அமுல்படுத்தத் தொடங்கினர்.

1862 –ஆம் ஆண்டு முதல் இஸ்லாமியக் குற்றவியல் சட்டம் முற்றிலும் கை விடப்பட்டடது. பின்னர் இந்தியன் பீனல் கோட் ( இ. பி. கோ ) அமுலுக்கு கொண்டு வரப்பட்டது.

ஆனால், திருமணம், திருமண முறிவு, வாரிசுரிமை, தனிப்பட்ட விவகாரங்கள், குடும்ப விவகாரங்கள் சம்பந்தப்பட்ட வகையில் இஸ்லாமியச் சட்டம் தொடர்ந்து அமலில் இருக்க அனுமதிக்கப்பட்டது.

ஆனால், நாட்டின் சில பகுதிகளில் இஸ்லாமல்லாத கலாச்சாரங்களின் கீழ் வாழ்ந்து வந்த முஸ்லிம்கள் ஹிந்து மத சம்பிரதாயங்களை கடை பிடித்து வந்தனர்.

இத்தகைய முஸ்லிம்கள் பெண்களுக்கு சொத்துரிமையை கொடுக்க மறுத்தனர். இதனை அப்போதிருந்த உலமாக்களும், சமுதாய நலன் விரும்பிகளும் தடுத்து நிறுத்த முயற்சித்தனர்.

எனவே, பிரிட்டிஷ் அரசை நாடினர். இவர்களின் கோரிக்கையை ஏற்ற பிரிட்டிஷ் அரசு 1937 –ஆம் ஆண்டு முஸ்லிம் தனியார் சட்டத்தை ( Muslim Personal Low Shariat Application Act 1937 ) அமுலுக்கு கொண்டு வந்தனர். முஸ்லிம் தனியார் சட்டத்தின் மற்றொரு பெயர் “ஷரீஅத் ஆக்ட் 1937” என்பதாகும்.

அதில், திருமணம், மஹர், ஜீவனாம்சம், தலாக், குலாஃ, ஹிபா, வாரிசுரிமை, சொத்துரிமை, வக்ஃப் ஆகிய விவகாரங்களில், சம்பந்தப்பட்டவர்கள் முஸ்லிம்களாக இருந்தால் ஷரீஅத் ஆக்ட் படித்தான் தீர்ப்பு அளிக்கப்பட வேண்டும். இதுவே நாட்டின் சட்டமாக இருந்தது.

முஸ்லிம் தனியார் சட்டம் தொகுத்து அளிக்கப்பட்ட ஒன்றல்ல என்றாலும், இஸ்லாமிய ஷரீஅத்தையே தீர்ப்புக் காண்பதற்கான அடிப்படை என்று ஏற்றுக் கொள்ளப்பட்டிருந்தது.  இதனால், இஸ்லாமிய ஃபிக்ஹூ நாட்டின் சட்டம் எனும் அந்தஸ்தைப் பெற்றிருந்தது.

நீதிமன்றங்களுக்கு உதவியாக இருக்க முஸ்லிம் சட்டங்கள் ஆங்கிலத்தில் வெளியிடப்பட்டன. டி. எஃப். முல்லா எழுதிய பிரின்ஸிபில்ஸ் ஆஃப் முஹம்மதன் லா, அ. அ. ஃபைஸி எழுதிய அவுட் லைன்ஸ் ஆஃப் முஹம்மதன் லா ஆகிய நூற்கள் புகழ்பெற்று விளங்கின.

ஹனஃபி ஃபிக்ஹூ சட்டத்தின் பிரபலமானதும், ஆதாரமானதுமான ஹிதாயா ஆங்கிலத்தில் மொழி பெயர்க்கப்பட்டு, வழக்கறிஞர்களால் அச்சட்டங்கள் பரிந்துரைக்கப்பட்டு நீதிமன்றங்களும் இஸ்லாமியச் சட்டங்களின் அடிப்படையிலேயே தீர்ப்புகளை வழங்கிக் கொண்டிருந்தன.

 

இந்திய விடுதலைக்குப் பின்னரும் இந்நிலை நீடித்து இறைவன் அருளால் இன்றளவும் தொடர்ந்து வருகின்றது.

இனி இந்த நாட்டில் இந்த நிலை தொடர்ந்திட நாம் பார்த்துக் கொள்வது அவசியமாகும்.

ஷரீஆவின் சட்டத்தின் அவசியம்….

இஸ்லாம் உலகாளும் மார்க்கமாக அங்கீகாரம் பெற்று உலகில் 1/3 மக்களால் பின்பற்றப்பட்டு வருகின்றது. வாழ்ந்து காட்டுவதற்கும், பின்பற்றிச் செல்வதற்கும் ஏதுவான, தூய்மையான சட்டங்களால் அமையப் பெற்றிருப்பது தான் அடிப்படைக் காரணமாகும்.

இஸ்லாமிய ஆட்சி நடைபெறும் நாடுகள், இஸ்லாமிய ஆட்சி அல்லாத மதவாத, சோஷலிச, மதசார்பற்ற, ஜனநாயக நாடுகள் எந்த ஒன்றில் ஒரு முஸ்லிம் வாழ்ந்தாலும் திருக்குர்ஆனையும், திருத்தூதர் {ஸல்} அவர்களின் வழிகாட்டலின் அடிப்படையில் அமைந்த ஷரீஆவின் சட்டங்களை அப்படியே பின்பற்றி வாழ்வது கடமையாக்கப்பட்டிருக்கின்றது.

வாழ்வின் எந்தவொரு விஷயங்களிலும் தம் விருப்பப்படி ஏதாவதொரு வழியை தேர்ந்தெடுத்து அதன் படி செயல்பட இஸ்லாம் ஒரு போதும் முஸ்லிம்களுக்கு சுதந்திரம் வழங்கவில்லை.

அல்லாஹ் மற்றும் அல்லாஹ்வின் தூதர்  {ஸல்} அவர்களுடைய கட்டளைகள் தான்  “உயர்  நிலைச் சட்டங்கள்” ( Supreem Law )  என்று குர்ஆன் குறிப்பிடுகின்றது.

எனவே, ஷரீஆவின் சட்ட வடிவம் என்பது அல்லாஹ்வும், அல்லாஹ்வின் தூதரும் தான் என்பது குர்ஆனின் பல்வேறு வசனங்கள் மூலம் நிரூபிக்கப்பட்டுள்ளது.

அவற்றை அப்படியே ஏற்று கீழ்படிந்து நடப்பது ஒவ்வொரு இறைநம்பிக்கையாளன் மீதும் கடமையாகும்.

அது விஷயத்தில் மாற்றுக் கருத்து  கொள்வதோ, மனதால் கூட மாற்றம்  செய்ய நினைப்பதோ ஈமானிற்கு நேர்  முரணானதாகும்.

பொது சிவில் சட்டம் கொண்டு வர துடிப்பதன் நோக்கம் என்ன?

1. அடையாளத்தை அழிப்பது....

முஸ்லிமாக வாழ்ந்து கொண்டிருக்கும் போதே முஸ்லிம் எனும் அடையாளத்தை முஸ்லிம் சமூகத்திடம் இருந்து அகற்ற வேண்டும். இஸ்லாத்தை விட்டும் முஸ்லிம்களை தூரமாக்க வேண்டும் என்கிற முயற்சிகளில் முழு மூச்சாக இரவு, பகலாக ஈடுபட்டுக் கொண்டிருக்கின்றது மத்திய ஃபாசிஸ பாஜக அரசு.

 

1. முஸ்லிம் எனும் அடையாளத்தை நாம் எக்காரணத்தைக் கொண்டும் இழந்து விடக் கூடாது.

هُوَ اجْتَبَاكُمْ وَمَا جَعَلَ عَلَيْكُمْ فِي الدِّينِ مِنْ حَرَجٍ مِلَّةَ أَبِيكُمْ إِبْرَاهِيمَ هُوَ سَمَّاكُمُ الْمُسْلِمِينَ مِنْ قَبْلُ وَفِي هَذَا

“மேலும், அவன் தனது பணிக்காக உங்களைத் தேர்ந்தெடுத்திருக்கின்றான். மேலும், அவன் வழங்கிய மார்க்கத்தில் ( இஸ்லாத்தில் ) உங்களுக்கு எவ்வித சிரமத்தையும் வைத்திடவில்லை.உங்கள் தந்தை இப்ராஹீமின் மார்க்கத்தில்  நிலைத்திருங்கள் . அல்லாஹ்  தான் இதற்கு  முன்பும்,  இப்போதும் உங்களுக்கு முஸ்லிம்கள்  என்று பெயர்  சூட்டியுள்ளான். தூதர் உங்கள்  மீது சான்று வழங்குபவராகவும், நீங்கள்  மக்கள் மீது சான்று வழங்குபவர்களாகவும் திகழ வேண்டும் என்பதற்காக!”. ( அல்குர்ஆன்: 22: 78 )

அடையாளத்தை இழக்க, முகவரியைத் தொலைக்க எந்தவொரு முஸ்லிமும் ஒரு போதும் முன் வரமாட்டான்.

ஏனெனில், இந்த அடையாளத்தையும், முகவரியையும் தந்தவன் அனைத்துலகையும் படைத்துப் பரிபாலனம் செய்யும் ரப்புல் ஆலமீன் ஆகிய அல்லாஹ் தான் என்று மேற்கூறிய இறைவசனம் நமக்கு உணர்த்துகின்றது.

அடையாளத்தை இழக்க விரும்பாத மேன்மக்கள்….

பைத்துல்லாஹ்வின் அஸ்திவாரத்தை உயர்த்திய இப்ராஹீம் {அலை} அவர்கள் அல்லாஹ்விடம் கை உயர்த்தி, தம் திருப்பணியை ஏற்றுக் கொள்ளுமாறு இறைஞ்சியதோடு,

رَبَّنَا وَاجْعَلْنَا مُسْلِمَيْنِ لَكَ وَمِنْ ذُرِّيَّتِنَا أُمَّةً مُسْلِمَةً لَكَ

“எங்கள் இரட்சகனே! எங்களிருவரையும் உனக்கு முற்றிலும் கீழ்ப்படிகிற முஸ்லிம்களாகவும், எங்களுடைய சந்ததியில் இருந்தும் உனக்கு கீழ்ப்படிகிற முஸ்லிம்களையும் ஆக்கியருள்வாயாக!” என்று பிரார்த்தித்தார்கள். ( அல்குர்ஆன்: 2:128 )

وَوَصَّى بِهَا إِبْرَاهِيمُ بَنِيهِ وَيَعْقُوبُ يَا بَنِيَّ إِنَّ اللَّهَ اصْطَفَى لَكُمُ الدِّينَ فَلَا تَمُوتُنَّ إِلَّا وَأَنْتُمْ مُسْلِمُونَ ()

இப்ராஹீமும், யஃகூபும் தங்களுடைய இறுதி நேரத்தில் தங்களின் மக்களுக்கு “என் மக்களே! நிச்சயமாக, அல்லாஹ் இஸ்லாம் மார்க்கத்தையே உங்களுக்காக தேர்ந்தெடுத்துள்ளான்; ஆகவே, நீங்கள் முஸ்லிம்களாக அன்றி நிச்சயமாக மரணிக்க வேண்டாம் என்று வஸிய்யத் செய்தார்கள்”.                   ( அல்குர்ஆன்: 2: 132 )

வேறெந்த முஸ்லிமும் முஸ்லிம் எனும் அடையாளத்தை இழந்து விடுவதை ஒரு முஸ்லிம் அங்கீகரிக்க மாட்டார்.

وجاء رجل شاب فقال: أبشر يا أمير المؤمنين ببشرى الله لك، من صحبة رسول الله صلى الله عليه وسلم، وقدم في الإسلام ما قد علمت، ثم وليت فعدلت، ثم شهادة
فلما أدبر إذا إزاره يمس الأرض قال:- ردوا علي الغلام، قال: ابن أخي ارفع ثوبك، فإنه أنقى لثوبك، وأتقى لربك

உமர் (ரலி) அவர்கள் அபூலுஃலுவுல் ஃபைரோஸீ என்பவனால் குத்தப்பட்டு, குடல் சரிந்து ஷஹாதத்தின் விளிம்பில் இருக்கும் போது ஒரு இளைஞர் உமர் (ரலி) அவர்களின் அருகே வந்து அமர்ந்தார்.

”இறைநம்பிக்கையாளர்களின் தலைவரே! உமர் (ரலி) அவர்களே! உங்களுக்கு சோபனம் உண்டாகட்டும்! நபி {ஸல்} அவர்களின் தோழமையப் பெற்றிருக்கின்றீர்கள்! இஸ்லாத்தை அதன் ஆரம்ப காலத்திலேயே ஏற்றுக் கொண்டீர்கள்! முஸ்லிம்களின் ஆட்சியாளராக அரியணையில் அமர்ந்து நல்லாட்சி வழங்கினீர்கள்! உயரிய ஷஹாதா வீரமரணத்தை நோக்கி நீங்கள் வீற்றிருக்கின்றீர்கள்! இவைகள் எல்லாம் அல்லாஹ் உங்களுக்கு வழங்கிய சோபனங்களே!” என்று கூறி விட்டு அந்த இளைஞர் அங்கிருந்து விடை பெற்றுச் செல்கின்றார்.

நடந்து செல்லும் அந்த இளைஞரின் கீழாடை தரையைத் தொட்டவாரே சென்றதைக் கண்டதும் உமர் (ரலி) அவர்கள் அந்த இளைஞரை என்னிடம் அழைத்து வாருங்கள் என்றார்கள்.

அந்த இளைஞர் அருகே வந்ததும், என் சகோதரனின் மகனே! உன் கீழாடையை உயர்த்திக் கட்டுவாயாக! உன் ஆடையை தூய்மையாக வைத்துக் கொள்வாயாக! உமதிறைவனை பயந்து வாழ்வீராக!” என்று கூறினார்கள். ( நூல்: ஸஃகத்துஸ் ஸில்ஸால் லிநஸஃபி அபாதீலுர் ரஃப்ளி வல் இஃதிஸால் )

இக்கட்டான நிலைமையில், உயிர் போகும் அந்த தருணத்திலும் கூட ஒரு முஸ்லிம் தன் அடையாளத்தில் இருந்து அகன்று விடக்கூடாது என்று பதறித் துடித்தார்கள் உமர் (ரலி) அவர்கள்.

2. போராடி நம் அடையாளத்தை தக்க வைக்க வேண்டும்.

جاء رجل إلى رسول الله، فقال: يا رسول الله، أرأيت إن جاء رجل يريد أخذ مالي؟ قال: "فَلاَ تُعْطِهِ مَالَكَ". قال: أرأيت إن قاتلني؟ قال: "قَاتِلْهُ". قال: أرأيت إن قتلني؟ قال: "فَأَنْتَ شَهِيدٌ". قال: أرأيت إن قتلته؟ قال: "هُوَ فِي النَّارِ

ஒருவர் அல்லாஹ்வின் தூதர் (ஸல்) அவர்களிடம் வந்து "அல்லாஹ்வின் தூதரே! ஒருவன் என் பொருளை அபகரிக்க வந்தால் நான் என்ன செய்ய வேண்டும்?" என்று கேட்டார். அதற்கு, நபி (ஸல்) அவர்கள் உன் பொருளை அவன் கைப்பற்றிவிடாமல் நீ பாதுகாக்கவேண்டும் என்று பதில் கூறினார்கள்.

நான் அவனை தடுக்கிறபோது அவன் என்னிடம் சண்டையிட்டால் இப்போது நான் எப்படி நடந்துகொள்ள வேண்டும் என்று அவர் மீண்டும் கேட்கிறார்.

அதற்கு நபி (ஸல்) அவர்கள் "நீ அவனுடன் சண்டையிட்டேனும் உன் உரிமையை மீட்க வேண்டும்" என்றார்கள். அப்படி அவனிடம் சண்டையிட்டு "அவன் என்னை கொலை செய்துவிட்டால் இப்போது என் நிலை என்ன?" என்று அவர் கேட்டபோது "நீ மார்க்கப்போராளி எனும் ஷஹீது அந்தஸ்தை பெறுவீர்!" என்று நபி (ஸல்) அவர்கள் கூறினார்கள்.

சரி! நான் அவனை கொலை செய்து விட்டால் இப்போது "நான் யார்? அவரின் நிலை என்ன? என்று அவர் கேட்டதும்,  அப்போது நபி (ஸல்) அவர்கள் "அவன் நரகவாதியே!" என்று பதில் கூறினார்கள்.

உன் உரிமையை மீட்க நீ போராடுவது அதுவும் மார்க்கப்போரே எனும் உண்மையை அழுத்தமாக பதிவு செய்கிறார்கள் நபி (ஸல்) அவர்கள்.

حَدَّثَنَا ‏ ‏الْقَاسِمُ بْنُ دِينَارٍ الْكُوفِيُّ ‏ ‏حَدَّثَنَا ‏ ‏عَبْدُ الرَّحْمَنِ بْنُ مُصْعَبٍ أَبُو يَزِيدَ ‏ ‏حَدَّثَنَا ‏ ‏إِسْرَائِيلُ ‏ ‏عَنْ ‏ ‏مُحَمَّدِ بْنِ جُحَادَةَ ‏ ‏عَنْ ‏ ‏عَطِيَّةَ ‏ ‏عَنْ ‏ ‏أَبِي سَعِيدٍ الْخُدْرِيِّ ‏ ‏أَنَّ النَّبِيَّ ‏ ‏صَلَّى اللَّهُ عَلَيْهِ وَسَلَّمَ ‏ ‏قَالَ ‏:- "‏إِنَّ مِنْ أَعْظَمِ الْجِهَادِ كَلِمَةَ عَدْلٍ عِنْدَ سُلْطَانٍ ‏ ‏جَائِرٍ" ‏ ‏قَالَ ‏ ‏أَبُو عِيسَى ‏ ‏وَفِي ‏ ‏الْبَاب ‏ ‏عَنْ ‏ ‏أَبِي أُمَامَةَ ‏ ‏وَهَذَا ‏ ‏حَدِيثٌ حَسَنٌ غَرِيبٌ ‏ ‏مِنْ هَذَا الْوَجْهِ

அதனால் தான் "ஒரு அநியாயக்கார ஆட்சியாளனுக்கு முன் உன் உரிமையை தைரியமாக கேட்பது ஜிஹாதில் மிகச்சிறந்தது" என்று நபி (ஸல்) அவர்கள் கூறினார்கள்.

முஸ்லிம்கள் தங்களின் உயிர், பொருளை பாதுகாப்பதில் எந்தளவு கடமை  ப்பட்டுள்ளனரோ அதைவிடவும் அதிகமாக தங்களின் ஷரீஆவை  பாதுகாப்பதில் கடமைப்பட்டுள்ளனர். காரணம்  ஷரீஆவின் சட்டங்கள் கண்ணியப்படுத்தப்படும் இடத்தில் இஸ்லாம் கண்ணியம் பெறுகிறது. அவ்வாறே, ஷரீஆவின் சட்டங்கள் அவமரியாதை செய்யப்படும்  போது இஸ்லாம் அவமதிக்கப்படுகிறது. .

 2. இஸ்லாத்தையும், முஸ்லிம்களையும் இல்லாமல் ஆக்குவது…

يُرِيدُونَ أَنْ يُطْفِئُوا نُورَ اللَّهِ بِأَفْوَاهِهِمْ وَيَأْبَى اللَّهُ إِلَّا أَنْ يُتِمَّ نُورَهُ وَلَوْ كَرِهَ الْكَافِرُونَ (32)

அல்லாஹ் கூறுகின்றான்: “அல்லாஹ்வின் ஒளியைத் ( இஸ்லாமிய மார்க்கத்தை ) தம் வாயால் ஊதி அணைத்து விட அவர்கள் விரும்புகின்றார்கள். ஆயினும் அல்லாஹ் தன் ஒளியை நிறைவு செய்யாமல் விடமாட்டான். இறை நிராகரிப்பாளர்களுக்கு அது எவ்வளவு வெறுப்பாக இருந்தாலும் சரியே!”    ( அல்குர்ஆன்: 9: 32 )

இஸ்லாம் என்பது இப்பூமியில் 4000 –க்கும் மேற்பட்ட மதங்களில் இருந்தும் ஃபில்டர் செய்யப்பட்டு அல்லாஹ்வினால் அங்கீகரிக்கப்பட்ட ஒரே மார்க்கம் ஆகும்.

முஸ்லிம் என்கிற அடையாளம் இஸ்லாமிய மார்க்கத்தை வாழ்க்கை நெறியாக ஏற்றுக் கொண்டவர்களுக்கு அல்லாஹ் அவனே சூட்டி அழகு பார்க்கும் பெயர் ஆகும்.

إِنَّ الدِّينَ عِنْدَ اللَّهِ الْإِسْلَامُ

“திண்ணமாக, இஸ்லாம் மட்டுமே அல்லாஹ்விடம் ஒப்புக் கொள்ளப்பட்ட வாழ்க்கை நெறி ( மார்க்கம் – தீன் ) ஆகும்”. ( அல்குர்ஆன்: 3: 19 )

هُوَ اجْتَبَاكُمْ وَمَا جَعَلَ عَلَيْكُمْ فِي الدِّينِ مِنْ حَرَجٍ مِلَّةَ أَبِيكُمْ إِبْرَاهِيمَ هُوَ سَمَّاكُمُ الْمُسْلِمِينَ مِنْ قَبْلُ وَفِي هَذَا

மேலும், அவன் தனது பணிக்காக உங்களைத் தேர்ந்தெடுத்திருக்கின்றான்.  மேலும், அவன் வழங்கிய மார்க்கத்தில்  ( இஸ்லாத்தில் )  உங்களுக்கு எவ்வித சிரமத்தையும் வைத்திடவில்லை.

உங்கள் தந்தை இப்ராஹீமின் மார்க்கத்தில் நிலைத்திருங்கள். அல்லாஹ் தான் இதற்கு முன்பும், இப்போதும் உங்களுக்கு முஸ்லிம்கள் என்று பெயர் சூட்டியுள்ளான். தூதர் உங்கள் மீது சான்று வழங்குபவராகவும், நீங்கள் மக்கள் மீது சான்று வழங்குபவர்களாகவும் திகழ வேண்டும் என்பதற்காக!”.     ( அல்குர்ஆன்: 22: 78)  

ஆக இஸ்லாம் என்பது அல்லாஹ்வின் மார்க்கம், முஸ்லிம் என்பதும் அல்லாஹ் வைத்த பெயர் உலகில் எவரா (னா) லும் இஸ்லாத்தை இல்லாமல் ஆக்கவோ, முஸ்லிமை இஸ்லாத்தை விட்டும் பிரித்துப் பார்க்கவோ இயலாது.

3. ஷரீஆவின் சட்டங்களை மாற்றி விட வேண்டும்..

அல்லாஹ் தன் திருமறையில் மூன்று அம்சங்கள் எவ்வித மாற்றத்திற்கும் உள்ளாகாது எனப்பிரகடனப் படுத்துகின்றான்.

1.   அல்லாஹ்வின் படைப்புகள் அதன் இயற்கைத் தன்மைகளில் இருந்து மாறாது.

لَا تَبْدِيلَ لِخَلْقِ اللَّهِ

அல்லாஹ் கூறுகின்றான்: “அல்லாஹ்வினால் படைக்கப்பட்ட அமைப்பில் மாறுதல் செய்ய முடியாது”.                                ( அல்குர்ஆன்: 30: 30 )

2. அல்லாஹ்வின் நடைமுறையில் யாதொரு மாற்றமும் நிகழாது…

فَلَنْ تَجِدَ لِسُنَّتِ اللَّهِ تَبْدِيلًا وَلَنْ تَجِدَ لِسُنَّتِ اللَّهِ تَحْوِيلًا (43)

அல்லாஹ்வின் நடைமுறையில் யாதொரு மாற்றத்தையும் எப்போதும் நீர் காணமாட்டீர். மேலும், அல்லாஹ்வின் நியதியை எந்தவொரு சக்தியாலும் திருப்பிட முடியும் என்பதையும் நீர் காணமாட்டீர்”.                   ..( அல்குர்ஆன்: 35: 43 )

3.   அல்லாஹ்வின் வார்த்தையில் மாற்றத்தைக் காண இயலாது….

لَا تَبْدِيلَ لِكَلِمَاتِ اللَّهِ ۚ

அல்லாஹ்வின் வார்த்தைகள் ஒரு போதும் மாறக்கூடியவை அல்ல” ( அல் குர்ஆன்: 10: 64 )

4.   முஸ்லிம்களை இஸ்லாமிய நெறிகளைப் பின்பற்றுவதில் இருந்தும் தூரமாக்க வேண்டும்..

وَدَّ كَثِيرٌ مِّنْ أَهْلِ الْكِتَابِ لَوْ يَرُدُّونَكُم مِّن بَعْدِ إِيمَانِكُمْ كُفَّارًا حَسَدًا مِّنْ عِندِ أَنفُسِهِم مِّن بَعْدِ مَا تَبَيَّنَ لَهُمُ الْحَقُّ ۖ فَاعْفُوا وَاصْفَحُوا حَتَّىٰ يَأْتِيَ اللَّهُ بِأَمْرِهِ ۗ إِنَّ اللَّهَ عَلَىٰ كُلِّ شَيْءٍ قَدِيرٌ

வேதம் அருளப்பட்டவர்களில் பலர்  நீங்கள் இறைநம்பிக்கை கொண்டு விட்டதற்குப் பின்னர் உங்களை எவ்விதத்திலாவது நிராகரிப்பவர்களாய் திருப்பி விட வேண்டும் என விரும்புகின்றார்கள். சத்தியம் தமக்கு தெளிவாகி விட்ட பின்னரும் தங்களிடமுள்ள பொறாமையின் காரணமாக இவ்வாறு செய்ய முனைகின்றனர்”.       ( அல்குர்ஆன்: 2: 109 )

ஷரீஅத்தில் கை வைத்தால்…?

இவர்களின் திட்டங்களும், சதிகளும், சூழ்ச்சிகளும், முயற்சிகளும் ஒரு போதும் நிறைவேறாது.

وَلَا يَحِيقُ الْمَكْرُ السَّيِّئُ إِلَّا بِأَهْلِهِ ۚ

உண்மையில் தீய சூழ்ச்சிகளும், திட்டங்களும் அவற்றைச் செய்பவர்களையே தாக்கும்”. ( அல்குர்ஆன்: 35: 43))

وَقَدْ مَكَرُوا مَكْرَهُمْ وَعِنْدَ اللَّهِ مَكْرُهُمْ وَإِنْ كَانَ مَكْرُهُمْ لِتَزُولَ مِنْهُ الْجِبَالُ ﴿٤٦﴾

அவர்கள் விதவிதமான சூழ்ச்சிகளைச் செய்து பார்க்கின்றனர். அவர்களுடைய சூழ்ச்சிகள் மலைகளையே பெயர்த்துவிடக் கூடியதாக இருப்பினும் அவர்களுடைய ஒவ்வொரு சூழ்ச்சியையும் முறியடிக்கும் சூட்சமம் அல்லாஹ்விடம் இருக்கின்றது”. (அல்குர்ஆன்: 14: 46 )

وَمَكَرُوا وَمَكَرَ اللَّهُ ۖ وَاللَّهُ خَيْرُ الْمَاكِرِينَ

”அவர்கள் சதித்திட்டங்கள் தீட்டினார்கள். அல்லாஹ்வும் அவர்களுக்கு எதிராக தகுந்த திட்டங்களை தீட்டினான். மேலும், இத்தகைய திட்டங்களைத் தீட்டுவதில் அல்லாஹ் யாவரிலும் வல்லவன் ஆவான்”.                     ( அல்குர்ஆன்: 3: 54 )

ஷரீஆ என்பது சாதாரணமான ஒன்றல்ல சாமானியமாக விட்டு விடுவதற்கு!!...

ثُمَّ جَعَلْنَاكَ عَلَىٰ شَرِيعَةٍ مِّنَ الْأَمْرِ فَاتَّبِعْهَا وَلَا تَتَّبِعْ أَهْوَاءَ الَّذِينَ لَا يَعْلَمُونَ

 إِنَّهُمْ لَن يُغْنُوا عَنكَ مِنَ اللَّهِ شَيْئًاوَإِنَّ الظَّالِمِينَ بَعْضُهُمْ أَوْلِيَاءُ بَعْضٍ  وَاللَّهُ وَلِيُّ الْمُتَّقِينَ

هَٰذَا بَصَائِرُ لِلنَّاسِ وَهُدًى وَرَحْمَةٌ لِّقَوْمٍ يُوقِنُونَ

“{ நபியே! } இப்போது தீன் சம்பந்தமான விஷயங்களில் தெளிவான, பிரதான ஷரீஆவில் உம்மை நாம் நிலை நிறுத்தியிருக்கின்றோம்! எனவே, நீர் அதனையே பின்பற்றுவீராக! அறியாத மக்களின் மன இச்சைகளைப் பின் பற்றாதீர்!

அல்லாஹ்வுக்கு எதிராக உமக்கு அவர்களால் எந்தப் பயனும் தர இயலாது. மேலும், கொடுமை புரிபவர்களே தங்களுக்குள் ஒருவருக்கொருவர் தோழர்களாக இருக்கின்றார்கள். மேலும், இறையச்சமுடையோருக்கு அல்லாஹ் தோழனாவான்.

இந்த ஷரீஆ என்பது அனைவருக்கும் பகுத்துணரும் சான்றுகளாய் இருக்கின்றன. மேலும், உறுதி கொள்ளக்கூடிய மக்களுக்கு வழிகாட்டியாகவும், கருணையாகவும் இருக்கின்றன”.  ( அல்குர்ஆன்: 45: 18,19,20 )

போராட்டங்களை பலப்படுத்த வேண்டும்....

அல்லாஹ்வின் அற்புதத்தை மூஸா (அலை)  வெளிப்படுத்திய போது, அவன் வழங்கிய அற்புதப் படைப்பான அழகிய கண்ணின் துணை கொண்டு பார்த்து விட்டு, அந்த சூனியக்காரர்கள் ஸஜ்தாவில் வீழ்ந்து..

فَأُلْقِيَ السَّحَرَةُ سُجَّدًا قَالُوا آمَنَّا بِرَبِّ هَارُونَ وَمُوسَى (70) قَالَ آمَنْتُمْ لَهُ قَبْلَ أَنْ آذَنَ لَكُمْ إِنَّهُ لَكَبِيرُكُمُ الَّذِي عَلَّمَكُمُ السِّحْرَ فَلَأُقَطِّعَنَّ أَيْدِيَكُمْ وَأَرْجُلَكُمْ مِنْ خِلَافٍ وَلَأُصَلِّبَنَّكُمْ فِي جُذُوعِ النَّخْلِ وَلَتَعْلَمُنَّ أَيُّنَا أَشَدُّ عَذَابًا وَأَبْقَى (71)

“நாங்கள் ஹாரூன் மற்றும் மூஸாவின் இறைவனை ரப்பாக ஏற்றுக் கொண்டோம்”  என்று உரக்கக் கூறினார்கள். அப்போது ஃபிர்அவ்ன் கூறினான்: “நான் உங்களுக்கு அனுமதி அளிக்கும் முன் நீங்கள் அவர் மீது நம்பிக்கை கொண்டு விட்டீர்களா?  அவர் தான் உங்களுக்கு சூனியத்தைக் கற்றுக் கொடுத்த உங்களின் குரு என்று இப்போது தெரிந்து விட்டது. இப்போது, நான் உங்களின் மாறுகை,  மாறுகால்களைத் துண்டித்து விடுவேன்.  மேலும், பேரீச்சம் மரத்தின் கம்பங்களில் அறைந்து உங்களை கொல்லப் போகின்றேன். அப்போது தெரியும் யாருடைய வேதனை மிகக்கடுமையானது என்று”.

قَالُوا لَنْ نُؤْثِرَكَ عَلَى مَا جَاءَنَا مِنَ الْبَيِّنَاتِ وَالَّذِي فَطَرَنَا فَاقْضِ مَا أَنْتَ قَاضٍ إِنَّمَا تَقْضِي هَذِهِ الْحَيَاةَ الدُّنْيَا (72) إِنَّا آمَنَّا بِرَبِّنَا

அதற்கு, முஸ்லிம்களாக மாறியிருந்த சூனியக்காரர்கள் மறுமொழி பகர்ந்தார்கள்: “எங்களைப் படைத்த இறைவன் மீது சத்தியமாக! தெளிவான சான்றுகள் எங்கள் கண்முன்னே நடந்த பின்னரும் நாங்கள் சத்தியத்தை விட உனக்கு ஒரு போதும் முன்னுரிமை தரமாட்டோம். எனவே, நீ என்ன செய்ய விரும்புகின்றாயோ செய்து கொள். அதிகபட்சம் இவ்வுலக வாழ்வில் மட்டுமே உன்னால் தீர்ப்பு வழங்க முடியும். திண்ணமாக, நாங்கள் எங்கள் இறைவன் மீது நம்பிக்கை கொண்டு விட்டோம்”.  ( அல்குர்ஆன்: 20: 59 – 73 )

எவ்வளவு பெரிய அடக்குமுறையை ஃபிர்அவ்ன் அவர்களின் மீது கட்டவிழ்த்து விட்டான். கொடுமை நிறைந்த சித்ரவதைகளை செய்திடுவேன் என மிரட்டினான்.

ஆனால், இஸ்லாத்தால் கவரப்பட்ட அடுத்த வினாடியில், முஸ்லிமாக வாழ ஆரம்பித்து சில வினாடிகள் தான் ஆகியிருந்தது. அவர்களின் வாயில் இருந்து வந்த பதில் எவ்வளவு வீரியம் நிறைந்ததாய் அமைந்திருந்தது!?”

இன்றைய நம்முடைய போராட்டம்! இன்றைய நம்முடைய கடமை!

இன்றைய நம்முடைய கண்டனம்! நாளைய நம் தலைமுறையினரின் வாழும் உரிமை!

பங்கெடுப்போம்! போராடுவோம்! ஷரீஆவின் சட்டங்களுக்கு உயிர் கொடுப்போம்!!!

அதன் முதற்கட்டமாக பொது சிவில் சட்டம் தொடர்பான கருத்துக் கேட்பு மற்றும் வாக்கெடுப்பில் முழுமையாக பங்கேற்று நம் கண்டனங்களை "பொது சிவில் சட்டம் வேண்டாம்" என்று பதிவு செய்வோம்.

வல்ல ரஹ்மான் இந்த தேசத்தில் முஸ்லிம்கள் இஸ்லாமிய முறையோடும், நெறியோடும் வாழ்ந்திட நல்லருள் பாளிப்பானாக! ஆமீன்! ஆமீன்! யாரப்பல் ஆலமீன்!! வஸ்ஸலாம்!!!